Айсен Николаев бүгүн Нерюнгри улууһугар үлэлиир

Өрөспүүбүлүкэ Ил Дархана Айсен Николаев Нерюнгрига бырамыысыланнас тэрилтэлэрэ Арҕааҥҥы саансыйалар усулуобуйаларыгар үлэлэрин боппуруоһугар мунньаҕы ыытыаҕа.

Ону таһынан Чульман бөһүөлэгэр  катоктаах  физкультура-чэбдигирдэр комплекс аһыллыытыгар кыттыыны ылыаҕа. Эрэгийиэн салайааччыта оробуочай сырыытын кэмигэр Иенгра сэлиэнньэтигэр быраас амбулаториятын уонна Нерюнгритааҕы ГРЭС тутуллуутун хаамыытын бэрэбиэркэлиэҕэ.

Иенгра сэлиэнньэтигэр Айсен Николаев анал байыаннай эпэрээссийэ кэмигэр хорсун быһыытын көрдөрбүт буойун дьиэ кэргэнин кытары көрсүөҕэ.