Айсен Николаев бүгүн «Якутия, вперед!» биэриигэ кыттыаҕа

Бүгүн, от ыйын 28 күнүгэр, Ил Дархан  Айсен Николаев  «Якутия 24»,  «Саха» НКИХ ханаалларга, итиэннэ «Тэтим» араадьыйаҕа «Якутия, вперед!» биэриигэ кыттыаҕа.

Айсен Николаев Саха сиригэр ойуур баһаардарын туругун, ыһыы үлэтин уонна байыастары өйөөһүн тустарынан сиһилии кэпсиэҕэ.

Ону таһынан, аэропортар өрөмүөннэрин, оройуоннарга уонна куораттарга тупсаран оҥоруу бырайыактарын, Дьокуускайга Ленин проспегын хапытаалынай өрөмүөнүн, «Азия оҕолоро» оонньууларга бэлэмнэнии туһунан иһитиннэриэҕэ уонна оробуочай сырыыларын түмүктэрин таһаарыаҕа.

Биэрии киэһэ  19:30 чаастан «Якутия 24»,  «Саха» НКИХ ханаалларга уонна «Тэтим» араадьыйаҕа тахсар.