Айсен Николаев бүгүн «Якутия, вперед!» биэриигэ кыттыаҕа

Бүгүн, сэтинньи 30 күнүгэр, Ил Дархан  Айсен Николаев  «Якутия 24»,  «Саха» НКИХ ханаалларга, итиэннэ «Тэтим» араадьыйаҕа «Якутия, вперед!» биэриигэ кыттыаҕа.

Биэриигэ Ил Дархан Донецкай уонна Луганскай Норуот Өрөспүүбүлүкэлэригэр сырыытын туһунан кэпсиэҕэ. Ону кытта ВДНХ ыытыллыбыт бүтүн Арассыыйатааҕы пуорум-быыстапкаҕа өрөспүүбүлүкэ кыттыытын туһунан уонна Саха сиригэр ыытыллыбыт «Цифровой алмаз» иккис федеральнай пуорум түмүктэрин ырытыаҕа. Биэриигэ «Сбербаан» ПАУо Герман Греф ыалдьыттыырыгар туох сөбүлэһиилэр түһэрсиллибиттэрин туһунан сырдатыллыаҕа.

Биэрии «Саха» НКИХ ханаалга киэһэ  20:00 чааска, «Якутия 24» ханаалга уонна «Тэтим» араадьыйаҕа 20:30 чааска тахсыаҕа.