Хаартыска: SakhaGov
Саха сирин Ил Дархана Айсен Николаев быһа эпииригэр ыйытыылары ылыы салҕанар. Саха сирин ЦУР иһитиннэрэринэн, билиҥҥитэ 862 ыйытыы киирдэ.
Онуоха олорор дьиэни тутуу, хаарбах дьиэттэн көһөрүү, суол уонна уопсастыбаннай тырааныспар, дьиэ-уот, коммунальнай хаһаайыстыба, социальнай көмө, социальнай уонна инфраструктурнай эбийиэктэри тутуу, олорор дьиэлэр тастарын тупсарыы туһунан ыйытыылар баһыйаллар.
Уруккутун курдук, ордук элбэх ыйытыы Дьокуускай куораттан, Ленскэй, Нерюнгри, Хаҥалас, Алдан уонна Нам улуустарыттан киирэр.
«Быһа эпиир» бүгүн, балаҕан ыйын 24 күнүгэр олохтоох бириэмэнэн 19.00 чааска буолар. Ил Дархаҥҥа ким баҕарар бэйэтин ыйытыытын биэриэн сөп.
Ыйытыылары суукканы быһа үлэлиир 8 (4112) 506-006 нүөмэр уонна Telegram @voprosGlaveYakutii_bot чат-бот (быһа эпиир бүтүөр диэри үлэлиир) нөҥүө ылаллар. Ордук суолталаах ыйытыылары биэрии кэмигэр иһитиннэриэхтэрэ, онно Айсен Николаев хоруйдуоҕа. Сорох ыйытыылар кылгас кэм иһигэр судаарыстыбаннай былаас ситэриилээх уорганнарыгар бэриллиэхтэрэ.
Быһа эпиир «НВК Саха», «Якутия 24», «Россия 24», «Тэтим» араадьыйа, «Радио России», «Виктория Саха», «СТВ-радио» ханаалларыгар, ону сэргэ, үгэс курдук, Айсен Николаев социальнай ситимнэригэр көстүөҕэ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…