Андрей Сорокин, ЯСИА
Айсен Николаев балаҕан ыйын 29 күнүгэр өрөспүүбүлүкэ Бырабыыталыстыбатын уонна Дьаһалтатын салалтатын кытта сүбэ мунньаҕар “Быһа лииньийэ” түмүгүнэн сорудахтары биэрдэ.
Бу эпиир түмүгүнэн кини былаас хас биирдии киирбит туруорсууга болҕомтолоохтук сыһыаннаһарыгар ыҥырда.
“Элбэх ыйытыы киирдэ. Хас биирдии киһи чопчу хоруйу ыларын хааччыйыахтаахпыт”, — диэтэ Айсен Николаев.
Эрэгийиэн баһылыга үгүс туһаайыы күннээҕи кыһалҕаларга сибээстээҕинэн ону бүддьүөттэн улахан үбэ суох быһаарыахха сөбүн санатта.
Айсен Николаев олохтоохтор босхо эминэн-томунан хааччыйыы уустуктарын туһунан эппиттэрин бэлиэтээтэ.
“Чэпчэтилээх эмп тийбэтин көрдүбүт. Бу Доруобуйа харыстабылын минситиэристибэтин үлэтин сааһылыыр наадатын туһунан ыйар. Биир эмп араас тэрилтэлэргэ тус-туспа сыаналааҕа табыллыбат”, — диэтэ кини.
Саха сирин баһылыга маастар-былааннарга олоҕурбут киэҥ хабааннаах бырайыактарга тохтоото. Быйыл өрөспүүбүлүкэҕэ биэс эбийиэк тутуута уонна саҥардыыта түмүктэнэр – Дьокуускайга биир уонна Нерюнгригэ – түөрт.
Айсен Николаев кэккэ успуорт эбийиэктэрин сирэ билиҥҥитэ чопчулана илигин эттэ. Онон федеральнай сиргэ-уокка сири туһаныыга быһаарыллыбатах бопруруостар бааллар. 2025 сылга киириэхтээх сорох эбийиэктэргэ тардылык тахсыан сөп.
“Тутуу болдьоҕуттан хаалбат туһугар нэдиэлэ аайы штаб үлэтин тэрийиэххэ”, — диэн салайааччыларга туһаайда.
Мунньахха кини саҥа федеральнай көҕүлээһиннэргэ тохтоото. Айсен Николаев этэринэн, “Цифровые решения” национальнай бириэмийэни олохтооһун эрэгийиэннэргэ, ол иһигэр Саха сиригэр саҥа кыахтары арыйар.
“Биһиэхэ цифровой эйгэҕэ улахан уопут түмүлүннэ, онон федеральнай таһымҥа наадалаах бырайыактары көҕүлүөхпүтүн сөп”, — диэтэ Ил Дархан.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: Андрей Сорокин, ЯСИА
Сиһилии: https://www.sakha.gov.ru/news/12695
Тохсунньу 31 күнүгэр Дьокуускайга “Арассыыйа – мин устуоруйам” историческай паакаҕа Туризм бэстибээлэ ыытыллыаҕа. Тэрээһиҥҥэ туризм…
«Все в этой жизни каждый навык, знание, опыт как петли нити вяжутся в красивое кружево…
Быйыл Хомус киинэ уонна түмэлэ Абый, Аллайыаха, Муома, Үөһээ Халыма, Аллараа Халыма уонна Орто Халыма…
Тохсунньу 31 күнүгэр идэлээх бырааһынньыктарын ювелирдар – күндү таастары уонна металлары кытта күннэтэ үлэлиир маастардар…
Тайвань Национальнай университетын учуонайдара 20 эрэ күн иһигэр баттаххын бүтүннүү чөлүгэр түһэрэр куттала суох уонна…
Ил Дархан Айсен Николаев Кэбээйи улууһугар оробуочай сырыытын кэмигэр Сангаар бөһүөлэгэр сылдьан, автоматизированнай гибриднэй энергокомплекс…