Хаартыска: ЯСИА
СӨ Ил Дархана Айсен Николаев үүтү туттарыыга былааны аһары толоруу иһин харчыны оройуоннарга тиэрдэргэ сорудахтаата.
Төлөбүргэ тиийбэт суума 60 мөл. солкуобай кэриҥэ буолла. Ааспыт сыл түмүгүнэн эрэгийиэҥҥэ үүтү туттарыы кээмэйэ 63,4 тыһыынча туоннаҕа тэҥнэстэ, бу туруоруллубут былаантан 5 тыһыынча туоннанан элбэх. Ол эрээри, нуорманы таһынан туттарыллыбыт үүт харчыта муниципальнай оройуоннарга тиэрдиллибэтэх.
«Төлөбүргэ тиийбэт харчы 60 мөл. солкуобай кэриҥэ этэ. Хомойуох иһин, бу суума төлөммөтөҕө. Маны таһынан, Тыа хаһаайыстыбатын министиэристибэтэ быйылгы былааны 56 тыһыынча туоннанан бигэргэтэн кэбистэ, ол эбэтэр ааспыт сыллааҕы ситиһиллибит көрдөрүүттэн сэттэ тыһыынчанан аҕыйах. Сорудахтар олунньу 19 күнүгэр диэри бэрилиннилэр. Бу күннэргэ бары сүрүн быһаарыылар ылыллыахтаахтар. Бастатан туран, былааны аһары толорбут дьоҥҥо үп-харчы барыта тиэрдиллиэхтээх», — диэн бэлиэтээтэ Айсен Николаев. Өрөспүүбүлүкэ баһылыга 2026 сылга үүтү туттарыыга былаан 65 тыһыынча туонна буоларын бэлиэтээтэ.
Билигин магнитнай буурҕалар үгүстүк түһэллэринэн, эдэр да саастаах дьон төбөлөрө сотору-сотору ыалдьыан сөп. Төбө ыарыытыгар…
Үгүс хаһаайкалар ас астыы сылдьан эт кырбыылларыгар убаһа, ынах сыатын туспа быһан салапааҥҥа суулууллар уонна…
Булуҥ оройуонун суута Эдьигээн олохтооҕун буруйдааҕынан билиннэ. Кини утарылаһааччытын куруусканан төбөҕө охсон, киһи өлүүтүгэр тиэрдибит…
Бу сайын Дьокуускайга Норуоттар икки ардыларынааҕы интеллектуальнай оонньуулар ыытыллыахтара, онно Азия 20 дойдутуттан оскуола оҕолоро…
Холбоһуктаах Араб Эмираттарын киин куоратыгар «Успуорду таптааччыларын аһаҕас оонньуулара» (Open Masters Games) түмүктэннэ. Бу оонньуулар…
Быйыл Олоҥхо ыһыаҕа от ыйын 4–5 күннэригэр Кэбээйи нэһилиэгэр ыытыллыаҕа. Бырааһынньыкка бэлэмнэнии номнуо саҕаланна: манна…