Хаартыска: А.Сорокин (СИА)
Ил Дархан Айсен Николаев атырдьах ыйын 14 күнүгэр СӨ Ил Дарханын уонна бырабыыталыстыбатын дьаһалтатын салалтатын кытары мунньаҕы ыытта.
— Ил Дархан Саха сиригэр баһаар балаһыанньата тыҥааһыннааҕын, бырабыыталыстыба чилиэннэрэ бары ойуур баһаарын утары охсуһууга сыһыаннаах сорудахтары суһаллык толоруохтаахтарын туһунан эттэ.
Буруо күүһүрбүтүнэн сибээстээн, өрөспүүбүлүкэ доруобуйатын харыстабылын бары эйгэтэ ыарыылара сытыырхайар кутталлаах бөлөх дьонун – кырдьаҕастары, тыынар уорганнара ыалдьааччылары кытары үлэни ыытыахтааҕын бэлиэтээтэ.
-Ил Дархан Арассыыйаҕа уонна өрөспүүбүлүкэҕэ физкультура хамсааһына 100 сыла бэлиэтэнэринэн, олимпийскай, сурдлимпийскай чөмпүйүөннэргэ уонна призердарга төлөбүрдэри индексациялыыр наадатын ыйда.
Физкультура уонна успуорт эйгэтигэр улахан ситиһиилэрдээх, физкультуранан уонна успуордунан элбэхтик дьарыктанар муниципальнай тэриллиилэри, нэһилиэктэри уонна сэлиэнньэлэри бэлиэтээһин механизмын хос көрөргө эттэ.
-Тутуу матырыйаалларын сыаната үрдүүр кыһалҕата болҕомтону эрэйэр.
-Үөһээ Бүлүү улууһун Ороһу сэлиэнньэтигэр оскуола-саады тутууну салҕыырга 2024 сыл судаарыстыбаннай бүддьүөтүгэр үбүлээһини хос көрөргө сорудахтаата, эбийиэк 2025 сылга үлэҕэ киллэриллиэхтээх.
-Эрэгийиэннэргэ бүддьүөт кирэдьиитигэр иэһи устан кэбиһэр кыаҕы кэҥэтэр туһунан РФ бырабыыталыстыбатын уурааҕа тахсыбытын туһунан эттэ. Тустаах министиэристибэлэр салайааччылара бу докумуону болҕомтолоохтук үөрэтэллэригэр этилиннэ.
-1941-45 сылларга Аҕа дойду Улуу сэриитигэр кыайыы 80 сылын бырааһынньыктааһыҥҥа бэлэмнэниини саҕалыырга сорудахтаата.
— Саха сирин бастакы бэрэсидьиэнэ Михаил Николаев туһунан өйдөбүнньүгү үйэтитэргэ хамыыһыйа тэриллэрин туһунан дьаһалга илии баттаата. Хамыыһыйа чилиэннэрэ этиилэри хомуйууну саҕалыахтаахтар.
-Оскуолаларга олохтоох өрөмүөнү ыытарга күүстээх хонтуруол, ол иһигэр уопсастыбаннаһы тардан тутулуга суох хонтуруол, баар буолуохтаах. Ил Дархан бу хайысхаҕа үлэни күүһүрдэр наадатын бэлиэтээтэ.
-Ил Дархан Айсен Николаев байыаннай эпэрээссийэ кыттыылаахтара муниципальнай уопсастыбаннай тырааныспарга босхо сылдьалларын хааччыйар наадатын ыйда. Кини маннык сорудах хайыы үйэ бэриллибитин, ол толоруллуутун хонтуруоллуур наадатын санатта.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…