Хаартыска: А.Сорокин (СИА)
Өрөспүүбүлүкэ Ил Дархана Айсен Николаев олунньу 12 күнүгэр Саха сирин бырабыыталыстыбатын чилиэннэрин уонна Ил Дархан, бырабыыталыстыба дьаһалтатын салалтатын кытары уочараттаах пленарнай мунньаҕы ыытта.
Айсен Николаев хотугу сиргэ таһаҕаһы тириэрдии чэрчитинэн, өрөспүүбүлүкэ нэһилиэнньэлээх пууннарын олоххо-дьаһахха суолталаах таһаҕаһынан хааччыйыы кыһыҥҥы суолу учуоттаан ыытыллыахтааҕын бэлиэтээтэ. Бырабыыталыстыба бэрэссэдээтэлин бастакы солбуйааччы Дмитрий Садовниковка кыһыҥҥы суол кэмигэр хотугу улуустарга таһаҕаһы элбэх кээмэйинэн тириэрдии наадатын туһунан эттэ.
Ил Дархан чуолаан ыраах сытар улуустарга социальнай эбийиэктэри тутууну хонтуруоллааһыны күүһүрдэр наадатын ыйда. Ону таһынан өрөспүүбүлүкэ улуустарыгар ыытылла турар бырабыыталыстыба отчуоттарыгар улахан болҕомтотун уурда. Кини өрөспүүбүлүкэ хас биирдии олохтооҕо былаас уорганнарын үлэтигэр бэйэтин этиитин киллэрэрин курдук, нэһилиэнньэни кытары көрсүһүүлэр аһаҕас уонна кырдьыктаах буолуохтаахтарын бэлиэтээтэ.
Айсен Николаев бырабыыталыстыбаҕа уонна “Дойдуну көмүскээччилэр” судаарыстыбаннай пуонда салаатыгар байыаннай сэрии кыттыылаахтарын оҕолоругар биир кэлим төлөбүр туһунан уларыйыылар киирбиттэринэн сибээстээн, тустаах үлэни ыытарга эттэ.
Ил Дархан физическэй култуура уонна успуорт салаатыгар биир кэлим сыыппаралаах эйгэни оҥоруу, ускуустубаннай интеллект технологияларын уонна саҥа электроннай сиэрбистэри киллэрии сыыппаралаах трансформация сүрүн соруктарынан буолалларын ыйда.
СӨ Ил Дарханын уонна бырабыыталыстыбатын пресс-сулууспатын матырыйаалынан
2000 сыл ыам ыйын 3 күнүгэр “СӨ мировой сууттарын туһунан” өрөспүүбүлүкэтээҕи сокуон ылыллыбыта. Бу гражданскай…
Бэс ыйын 6 күнүгэр Бырабыыталыстыба 2-с нүөмэрдээх дьиэтин Овальнай саалатыгар прозаик, публицист, очеркист, Саха сирин…
Бэс ыйын 6 күнүгэр Ил Түмэҥҥэ бүддьүөккэ, үпкэ, түһээҥҥэ уонна сыана бэлиитикэтигэр бастайааннай кэмитиэтин тэрийиитинэн…
Томпо оройуонугар оперативниктар 18 мөл. солк. уорбут Магадан уобалаһыттан төрүттээх 29 саастаах дьахтары туттулар. Дьахтар…
Бэс ыйын 1-11 күннэригэр Сириус баазатыгар Краснодарскай кыраайга оскуола тэрилтэлэрин хамаандаларын ортолоругар «Белая ладья» саахымакка…
Дьааҥы улууһун Барылас нэһилиэгэр быйыл от үүнүүтэ мөлтөх буолуох курдук. Ол туһунан нэһилиэк баһылыга Иван…