Андрей Сорокин хаартыскаҕа түһэриитэ
Ил Дархан Айсен Николаев бүгүн СӨ баһылыгын уонна Бырабыыталыстыбатын дьаһалтатын кытары мунньаҕар Арассыыйа Бэрэсидьиэнин сорудаҕын толорууга уонна национальнай бырайыактары олоххо киллэриигэ болҕомтолорун ууралларыгар эттэ.
Билигин тирээн турар боппуруостарынан тутуу инфраструктурата – олорор дьиэни, оскуолалары уонна атын да социальнай эбийиэктэри тутуу буолар.
Айсен Николаев от ыйын бастакы уон күнэ өрөспүүбүлүкэҕэ улахан суолталаах түгэннэринэн толору буолуохтара диэн бэлиэтээн эттэ.
«От ыйын 6 күнүгэр «Азия оҕолоро» норуоттар икки ардыларынааҕы VIII спортивнай оонньуулар түмүктэниэхтэрэ. Күрэхтэһиилэр уонна тэрээһиннэр үчүгэйдик бара тураллар. Оонньуулары түмүктүүр тэрээһин улахан суолталааҕынан уонна дьоһуннаах түгэн буоларынан ураты болҕомтону уурар наада», – диэтэ Ил Дархан.
Кини от ыйын 4 күнүгэр Саха сиригэр Байкал-Амур магистрала төрүттэммитэ 50 сылыгар аналлаах тэрээһин саҕаланарын санатта. Ил Дархан этэринэн, бу магистраль өрөспүүбүлүкэ улахан суолталаах. “Беркакит – Томмот – Аллара Бэстээх” маршрутунан пассажирдары таһыы 2019 сыл олунньутугар аһыллыбыта. БАМ тутуута саҕаламмыт үбүлүөйүн көрсө Аллараа Бэстээхтэн Тыындаҕа диэри тематическай поезд сылдьыаҕа.
Итини таһынан, Ил Дархан сотору кэминэн кини салалтатынан көһө сылдьар мунньаҕы илин эҥэр улуустарынан бэлэмнииргэ соруйда. Онно тыа хаһаайыстыбатын салаатын боппуруостарын дьүүллэһиэхтэрэ.
«Курааннарынан сибээстээн оту уонна аһылыгы бэлэмнээһин балаһыанньата тыҥааһыннаах. Улуустар баһылыктарын кытта тыа хаһаайыстыбатын бородууксуйатын оҥорон таһаарааччылар балаһыанньаларын көрүөххэ наада», — диэн эттэ Айсен Николаев.
“Азия оҕолоро” VIII Норуоттар икки ардыларынааҕы оонньуулар чэрчилэринэн СӨ Туризм сайдыытыгар ааҕыныстыбата Дьокуускай куорат устун…
От ыйын 2-с уонна 3-с күннэригэр "Олимпиец" ытар комплекска стендовай ытыыга икки күрэхтэһии түмүктэннэ. Биирдиилээн…
Ахсынньы 30 күнүгэр диэри Бүтүн Арассыыйатааҕы «Дальний Восток – Земля приключений» куонкуруска сайаапкалары ылыы салҕанар.…
Ленскэй оройуонугар сыл саҕаланыаҕыттан 400-тэн тахса ыраах сытар нэһилиэнньэлээх пуун олохтоохторо улуустарын быраастарыгар бэрэбиэркэлэннилэр. Ленскэйдээҕи…
Бэс ыйын 24 күнүттэн от ыйын 24 күнүгэр диэри «электроннай бүддьүөт» тиһигэр агробырамыысыланнай комплекс тутаах…
Бүгүн, от ыйын 3 күнүгэр, Дьокуускайга «Кыайыы 50 сыла» успуорт уораҕайыгар «Азия оҕолоро» норуоттар икки…