Хаартыска: А.Сорокин (СИА)
Бүгүн, от ыйын 29 күнүгэр, Ил Дархан Айсен Николаев өрөспүүбүлүкэ бырабыыталыстыбатын, Ил Дархан дьаһалтатын кытары мунньаҕы ыытта.
Айсен Николаев Арассыыйа бэрэсидьиэнэ Владимир Путин Ыйааҕынан Судаарыстыбаннай сэбиэт “Энергетикэ” хайысхатыгар хамыыһыйаны салайыыны киниэхэ итэҕэйбитин бэлиэтээн эттэ.
Хамыыһыйа энергетикэ эйгэтигэр уонна энергетик салаатыгар технологическай суверенитеты хааччыйыыга судаарыстыба бэлиитикэтин олоххо киллэрии боппуруостарынан дьарыктанар. Судаарыстыбаннай сэбиэт хамыыһыйата Арассыыйа бэрэсидьиэнэ көҕүлээбит саҥа национальнай бырайыактарын салгыы олоххо киллэриигэ эппиэтинэһи сүгэр.
«Бүтүн Арассыыйа бэбиэскэтинэн эрэ буолбакка, Уһук Илин уонна Арктика эрэгийиэннэрин энергетикэтин боппуруостарынан элбэх үлэ күүтэр”, — диэтэ Айсен Николаев.
Кини РФ бырабыыталыстыбата ыксаллаах быһыыга-майгыга эмсэҕэлээбиттэргэ төлөбүр кээмэйин 1,5 төгүл улаатыннарбытыгар болҕомтону уурда. Биир кэмнээх матырыйаалынай көмө 10 тыһыынчаттан 15 тыһыынчаҥа тиийэ үрдүөҕэ. Олоххо-дьаһахха бастакы суолталаах баайы-дуол сорҕотун сүтэриигэ төлөбүр 50-тэн 75 тыһыынчаҕа диэри улаатыаҕа (бүтүннүү сүтэриигэ 150 тыһыынчаҕа тиийэ).
«Саха сиригэр халаан содулуттан эмсэҕэлээбиттэри өйүүргэ өйөбүл саҥа көрүҥнэрин түргэнник олоххо киллэрэргитигэр көрдөһөбүн”, — диэтэ Айсен Николаев.
Ил Дархан ардах түспүт сирдэригэр ойуур баһаарын мониторинын тэрийэр наадатын ыйда. Кини ону сэргэ оттук сезонугар бэлэмнэниини, үөрэх эбийиэктэрин үлэҕэ киллэриини, оскуолаларга уонна кэллиэстэргэ өрөмүөн үлэлэрин түмүктээһини кытта сибээстээх боппуруостарга болҕомтотун уурда.
Мунньахха өрөспүүбүлүкэ судаарыстыбаннай бүддьүөтүн толоруу, Саха сиригэр үлэ ырыынагын туруга, байыаннай сулууспалаахтарга уонна кинилэр дьиэ кэргэттэригэр социальнай көмөнү оҥоруу, тутуу комплексын боппуруостара дьүүллэһилиннилэр.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…