Андрей Сорокин, ЯСИА
Саха сирин баһылыга Айсен Николаев өрөспүүбүлүкэ Бырабыыталыстыбатын уонна дьаһалтатын кытта планернай мунньах ыытан, кэккэ соруктары туруорда.
Тутаах боппуруостартан биирдэстэринэн хотугу таһаҕаһы тиэйии буолла.
“Быйыл 1,4 мөл. туоннаны тиэйэр былаантан хайы-үйэ аҥаарын толордубут. Бэрэсидьиэн дойду Бырабыыталыстыбатыгар эрэгийиэннэри кытта тиэйиини толору кээмэйинэн хааччыйарга соруйбута”, — диэн Саха сирин Ил Дархана Айсен Николаев бэлиэтээтэ.
Санатан эттэххэ, Арассыыйа Бэрэсидьиэнэ Владимир Путин хотугу таһаҕаһы тиэйиини кытта сибээстээх боппуруостар суһалларын ыйбыта. Кини күн-дьыл түргэнник уларыйар уонна кылгас навигация кэмигэр биир да күнү куоттарбат наадатын бэлиэтээбитэ.
Мунньахха Айсен Николаев түргэн интэриниэтинэн хааччыйыыга анаммыт сирдэр-уоттар кэрискэлэригэр Саха сирин 61 нэһилиэнньэлээх пуунун киллэрэр туһунан РФ Бырабыыталыстыбатын сөптөөх быһаарыныытын бэлиэтээтэ.
“Бу дьоһун быһаарыы ордук Арктика оройуоннарыгар сыһыаннаах. Онон “Синергия Арктики” бырайыак дойду Бырабыыталыстыбатын дьиҥ өйөбүлүн ылла. Арассыыйа Бырабыыталыстыбатыгар уонна Сыыппара сайдыытын министиэристибэтигэр Арктикаҕа сыыппара инфраструктурата сайдыытыгар болҕомтолорун иһин махтанабын”, — диэтэ кини.
Маны тэҥэ өрөспүүбүлүкэ баһылыга Саха сирэ креативнай экэниэмикэ сайдыытыгар кылаатын билиниигэ болҕомтону туһаайда. Кини Арассыыйа премьер-миниистирэ Михаил Мишустин бу эйгэҕэ эрэгийиэн көҕүлээһинин үчүгэйдик сыаналаабытын аҕынна.
Айсен Николаев 2030 сылга диэри Оҕолору эбии үөрэхтээһини сайыннарыы кэнсиэпсийэтин иккис түһүмэҕин олоххо киллэрэр туһунан иһитиннэрдэ, ол иһигэр уһуннук эмтэнэр инбэлиит оҕолорго эмиэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/7847
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…