Хаартыска: Андрей Сорокин, СИА.
Ил Дархан Айсен Николаев тохсунньу 20 күнүгэр нэдиэлэтээҕи былаанныыр мунньахха Бырабыыталыстыба уонна Дьаһалта салалтатын иннигэр соруктары туруорда.
Өрөспүүбүлүкэ баһылыга аан бастаан Бырабыыталыстыба Бэрэссэдээтэлин солбуйааччы – Уһук Илиҥҥи федеральнай уокурук боломуочуйалаах бэрэстэбиитэлэ Юрий Трутнев 2024 сыл түмүктэрин таһаарбыт уонна 2025 сыллааҕы соруктары туруорбут тохсунньутааҕы мунньаҕар болҕомтотун уурда. Айсен Николаев ааспыт сылга эрэгийиэн ситиспит түмүгүн бэлиэтээтэ итиэннэ Дьокуускай уонна Нерюнгри куораттар маастар-былааннарын олоххо киллэриини этэн туран, сорох хайысхаларга үлэни күүһүрдэргэ дьаһал биэрдэ.
“Биһиги сыалбыт-сорукпут – сайдыыга ситиспит тэтиммитин тутан хаалыы эрэ буолбакка, өрөспүүбүлүкэ балаһыанньатын бөҕөргөтүү, туруктаах сайдыытын хааччыйыы”, — диэн тоһоҕолоон эттэ Ил Дархан.
Ааспыт нэдиэлэҕэ Саха сиригэр Аҕа дойду Улуу сэриитин кыттыылаахтара Кыайыы 80 сылынан төлөбүрдэри туппуттара. Билигин өрөспүүбүлүкэ баһылыга блокадаламмыт Ленинград олохтоохторугар, сокуоннай саастарын туола иликтэринэ концлааҕырдарга, геттоларга олорбут дьоҥҥо, сэрии кыттыылаахтарын огдооболоругар, тыыл үлэһиттэригэр, сэрии оҕолоругар ирдэнэр төлөбүрдэри оҥорорго дьаһал биэрдэ.
Айсен Николаев олохтоммут болдьох иһигэр РФ бырабыыталыстыбатынан бигэргэммит, 2025-2027 сылларга босхо мэдиссиинискэй көмөнү оҥорууга судаарыстыбанан мэктиэлэммит бырагырааманы олоххо киллэрэргэ сорудахтаата. Докумуоҥҥа Арассыыйа олохтоохторугар аналлаах босхо мэдиссиинискэй көмөҕө үгүс саҥа пууннар эбиллибиттэрэ.
Агробиисинэскэ судаарыстыба өйөбүлүн оҥорорго тустаах үлэни ыытар наадатын эмиэ эттэ. Дойду бырабыыталыстыбата маннык көрүҥүнэн дьарыктанар байыаннай дьайыы бэтэрээннэрин уонна кыттыылаахтарын өйүөҕэ итиэннэ агропромышленнай тиһик тэрилтэлэрин каадырынан хааччыйыыга усулуобуйа тэрийиэҕэ.
Айсен Николаев олунньуга саҕаланыахтаах судаарыстыбаннай былаас ситэриилээх уорганнарын 2024 сыллааҕы отчуотугар бэлэмнэниигэ, үөрэх уонна билим үлэһиттэрин тохсунньутааҕы мунньахтарыгар, саҥа социальнай эбийиэктэр аһыллыыларыгар уонна да атын кэккэ тэрээһиннэргэ туспа сорудахтары биэрдэ, диэн иһитиннэрэр Ил Дархан, бырабыыталыстыба пресс-сулууспата.
Бу күннэргэ «Саха волонтердара» хамсааһын колл-киинигэр Екатеринбург куораттан госпиталга сытар байыастан сайаапка киирбит. Саха сириттэн…
Бүгүн Горнай улууһун Аһыма сэлиэнньэтигэр оту тиэммит түөрт массыына кэллэ. Ол курдук, Хаҥалас улууһун Уулаах…
Кэнники сылларга киин куоракка сылаас тохтобуллары оҥороннор, олохтоохтор кыһыҥҥы тоһуттар тымныыга оптуобус кэтэһэллэригэр абыраннылар. Дьокуускай…
Олунньу 3 күнүн киэһэтигэр ИДьМ 1-кы нүөмэрдээх полиция салаатын дьуһуурунай чааһыгар, Звезднай түөлбэ биир дьиэтигэр…
Ылдьаа Скрябин күрэхтэһии түһүлгэлэригэр кэпсиир-сырдатар куолаһын дьон барыта биһириир, ылынар. 1990-с сыллардаахха Чурапчыга Иван Ильич…
Бүгүҥҥүттэн Хаҥалас улууһугар ситэриилээх былаас отчуота Иһит нэһилиэгиттэн саҕаланна. Оробуочай бөлөҕү бырабыыталыстыба бэрэссэдээтэлин солбуйааччы Анатолий…