Айсен Николаев Бырабыыталыстыба уонна Ил Дархан дьаһалтатын салалтатыгар саҥа соруктары туруорда

СӨ Баһылыга Айсен Николаев Бырабыыталыстыба уонна Ил Дархан дьаһалтатын салалтатын кытта мунньахха федеральнай таһымҥа ылыныллыбыт саҥа быһаарыныылар олоххо киириилэригэр боппуруостары көрдө.

Эрэгийиэн салайааччыта бэлиэтээбитинэн, бу сыл саҕаланыаҕыттан дойду бары эрэгийиэннэригэр  байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр өйөбүл миэрэлэрин ылалларыгар биир сайабылыанньаны ыытар өҥө киириэхтээх.

«Бу хайысхаҕа улахан улэ ыытылынна, МФЦ ситиминэн биир ирдэбиллээх 45 миэрэттэн турар испииһэк оҥоһулунна. Бу өҥө 55 эрэгийиэҥҥэ олоххо киирбит, бу сыл бастакы кыбаарталыттан дойду үрдүнэн үлэлиэхтээх. Георгий Михайлович, бу систиэмэ биһиэхэ эмиэ хааччаҕа суох үлэлиэхтээх диэн көрдөһөбүн. Байыаннай дьайыы кыттыылаахтара уонна кинилэр дьиэ кэргэттэрэ маны билиэхтээхтэр», — диэн Ил Дархан вице-премьергэ соруйда.

Айсен Николаев дойду экэниэмикэҕэ министиэристибэтэ транспортнай, энергетическэй, телекоммуникационнай, социальнай инфраструктураларын сайыннарыы Биир кэлим былаанын 2036 сылга диэри мониторинныыр бэрээдэгин бигэргэппитин эттэ. Бу быраабылаларын СӨ Бырабыыталыстыбата үөрэтэригэр соруйда.

Сиһилии: https://www.sakha.gov.ru/news/22044