Хаартыска: СИА
Ил Дархан Айсен Николаев атырдьах ыйын 26 күнүгэр СӨ Ил Дарханын уонна Бырабыыталыстыбатын дьаһалтатын салалтатын кытта уочараттаах мунньаҕы ыытта.
Айсен Николаев Саха сиригэр саҥа үөрэх дьылын кэмигэр саҕалыырга сорудахтаата. «Саха сиригэр саҥа үөрэх дьыла балаҕан ыйын 2 күнүттэн саҕаланар. Онно бэлэмнэнии кэминэн ыытыллар эрээри, оскуолалар уонна атын үөрэх тэрилтэлэрэ үөрэх дьылыгар бэлэмнэрин хааччыйыыга үлэни салгыахха наада», – диэн бэлиэтээтэ.
Саха сиригэр кыстыкка бэлэмнэнии туһунан эттэххэ, Ил Дархан Дьокуускай куорат дьаһалтатын элбэх кыбартыыралаах дьиэлэри гаастааһыҥҥа саҥалыы холбонорго харгыстары суһаллык туоратар наадатын ыйда. Ил Дархан дойду Бырабыыталыстыбата айылҕа эбэтэр техногеннай характердаах ыксаллаах быһыыга-майгыга түбэспит гражданнарга социальнай өйөбүлү оҥоруу көрдөрүүлэрин түргэтэтэргэ ыйбытын болҕомтотун уурда. Дойду бырабыыталыстыбата маны таһынан эмсэҕэлээбиттэргэ олорор дьиэни өрөмүөннээһиҥҥэ кэмпэнсээссийэ кээмэйин 1 кв. м. иэнигэр 7 тыһыынчаттан 9 тыһыынча солкуобайга диэри улаатыннарбытын санатта. Итини кытта убаҕас айылҕа гааһын оҥорон таһаарар оборудованиены тастан киллэриигэ тарыыпка чэпчэтиини олохтообутун эттэ.
Маны сэргэ мунньах кэмигэр байыаннай дьайыы кыттыылаахтарыгар уонна кинилэр дьиэ кэргэттэрин чилиэннэрин хааччыйыыга, национальнай бырайыактары олоххо киллэриигэ уонна Саха сирин судаарыстыбаннай управлениетын тиһигин тупсарыыга саҥа Ыйааҕы олоххо киллэриигэ болҕомтотун уурда. Ону таһынан Айсен Николаев от хампаанньатын уонна хотугу оройуоннарынан оттугу, уматыгы тиэйии хаамыытын кытта билсистэ. Мунньах кыттыылаахтара Айсен Николаевка өрөспүүбүлүкэ быйылгы социальнай-экэнэмиичэскэй балаһыанньатын тутаах көрдөрүүлэрин кытта билиһиннэрдилэр.
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…