Хаартыска: Ил Дархан пресс-сулууспата
Ил Дархан Айсен Николаев Теплай күөл таһыгар саҕаламмыт Бүтүн Арассыыйатааҕы субуотунньукка кытынна. Бу экология аахсыйата Бүтүн Арассыыйатааҕы субуотунньукка уонна «Азия оҕолоро» норуоттар икки ардыларынааҕы VIII оонньуулар иннинэ куораты тупсарыыга ананар.
Субуотунньукка былаас өрөспүүбүлүкэтээҕи уорганнарын уонна куорат дьаһалтатын, уокуруктар управлениеларын бэрэстэбиитэллэрэ, Саха сирин ыччата кытыннылар.
Ил Дархан: «Дьокуускайга 11 эбийиэги тутуу уонна олохтоохтук өрөмүөннээһин түмүктэнэр. Киин куорат дьаһалтатыгар уулуссалары, уопсастыбаннай миэстэлэри тупсарыыны, өрөмүөннээһини болдьоҕор түмүктүүр сорук турар. Түгэнинэн туһанан, куорат олохтоохторун, үлэ кэлэктииптэрин аан дойду элбэх сириттэн кэлэр ыалдьыттары көрсүүгэ бэлэмнэнэн ыраастааһын үлэтигэр көхтөөхтүк кыттаргытыгар ыҥырабын», – диэн куорат олохтоохторун куорат уокуруктарыгар уонна куорат таһынааҕы сэлиэнньэлэргэ ыытыллар субуотунньуктарга көхтөөхтүк кыттыһарга ыҥырда.
Бүтүн Арассыыйатааҕы субуотунньукка улуустар уонна Дьокуускай куорат ыччата эмиэ кытынна.
Санатан эттэххэ, Ыам ыйын 1, Ыам ыйын 9 күнүнээҕи бырааһынньыктары көрсө Дьокуускай куоракка уонна өрөспүүбүлүкэ улуустарыгар үгэскэ кубулуйбут субуотунньуктар тэриллэллэр. Саха сиригэр муус устар 26 күнүттэн саҕаланан, ыам ыйын 4 күнүгэр диэри ыытыллаллар.
Күндү Саха сирин олохтоохторо! Эһигини үүнэн эрэр Саҥа 2026 сылынан уонна Ороһуоспанан Саха Өрөспүүбүлүкэтин Ил…
Илиҥҥи халандаар этэринэн, хас биирдии сыл гороскопка баар 12 кыыл салалтатынан ааһар. Үүнүөхтээх 2026 сыл…
Ис сүрэхпиттэн үүнэн иһэр 2026 сылынан эҕэрдэлиибин! Биһиги XXI үйэ иккис чиэппэригэр үктэнэбит. Бэлиэ түгэннэринэн, чаҕылхай ситиһиилэринэн…
Бу күннэргэ күн-дьыл хайдаҕый? Төһө тымныйарый? Хаар түһэр дуо? Өрөспүүбүлүкэ арҕаа өттүгэр сорох сиринэн кыра…
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…