Айсен Николаев: «Саха сиригэр быыбар чиэһинэйдик уонна аһаҕастык ыытылынна»

Саха сиригэр Арассыыйа Бэрэсидьиэнин быыбара түмүктэннэ.

Ил Дархан Айсен Николаев  телеграмҥа: «Биһиги өрөспүүбүлүкэбит быыбарга кыттыытынан үрдүкү көрдөрүүнү көрдөрдө.  Быыбардааччы  70-тан тахса бырыһыана  куоластаата. Муҥутуур улахан көрдөрүүлээх улуустарынан  Өлөөн (97,69 %),  Анаабыр (90,70 %), Таатта (86,43 %), Горнай (84,72 %)  буолаллар. Маны таһынан Мииринэй оройуона үрдүк көрдөрүүлээх  — 77,67 %.  Саха сирин олохтоохторо быыбарга санаалара көтөҕүллэн кэлэн кытыннылар. Быыбардыыр учаастактарга дьиэ кэргэнинэн  кэлбиттэрэ көрөргө астык.  Быыбар чиэһинэйдик уонна аһаҕастык ыытылынна, — диэн суруйда.