Мария Васильева хаартыската, СИА
Ил Дархан Айсен Николаев бүгүн Аллайыаха улууһугар үлэлиир. Чокуурдаах бөһүөлэгэр Айсен Николаев «Арктика суоллара» тэрилтэ производственнай баазатыгар сырытта. Туһааннаах предприятие Аллайыаха улууһугар 1000 км кыһыҥҥы суолу көрөр-истэр.
Ил Дархан суол учаастагын үлэһиттэрин кытары көрсөн кэпсэттэ. 2021 сыллаахха Айсен Николаев сорудаҕынан, тэрилтэ 3 бульдозеры уонна ТРЭКОЛ снегоболотоходу ылбыта. Онон олус туһалаах техниканан хааччыллыбыттарын иһин, үлэһиттэр өрөспүүбүлүкэ баһылыгар махтаннылар. Санатан эттэххэ, икки сыллааҕыта өрөспүүбүлүкэ бас билиитигэр үс кыһалҕалаах учаастак бэриллибитэ. Ол иһигэр Русскай Устье, Ныычалаах, Чкалов сэлиэнньэлэригэр киирэр суоллар. Урут СӨ бырабыыталыстыбатыгар туһааннаах учаастактарга суол-иис быста мөлтөҕүн туһунан олохтоохтор үгүстүк этинэр этилэр. Онтон «Арктика суоллара» тэрилтэ бу учаастактары көрөр-истэр буолбутун кэннэ итиэннэ анал техниканан хааччылланнар, балаһыанньа биллэ тупсубут.
Бу сырыыга туһааннаах учаастакка Айсен Николаев сылдьан баран, бырабыыталыстыбаҕа производственнай учаастагы кэҥэтиигэ сорудахтаата. Бастатан туран, анал техника турар иккис гарааһын тутуу соруга туруорулунна. Бастакы 7 миэстэлээх гараас филиал аһыллыбыт сылыгар, 2016 сыллаахха, тутуллубута.
Маны таһынан Ил Дархан кыра уйуктаах суол техникатын атыылаһыыны көрөргө эттэ. Оччотугар кыһыҥҥы суол арыый эрдэ аһылларыгар кыаҕы биэриэ этэ.
Билигин Аллайыахатааҕы суол учаастагар 21 киһи үлэлиир. 9 техника баар, ол иһигэр бульдозердар, самосвал, хаары ыраастыыр техника, снегоболотоход, «Урал» массыына.
«Арктика суоллара» предприятие 2014 сыллаахха тэриллибитэ. Тэрилтэни Владимир Чусовской салайар.
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…