Айсен Николаев Чурапчы улууһун 13 хаһаайыстыбатыгар саҥа тиэхиньикэ күлүүһүн туттарда

Саха сирин Ил Дархана Чурапчы оройуонугар үлэлиир. Бүгүн Айсен Николаев улуус 13 хаһаайыстыбатыгар саҥа тиэхиньикэ күлүүһүн туттарда.

Ол иһигэр үс «Бөлөрүүс» тыраахтар, от охсор тиэхиньикэ, бурдук ыһар сиэйэлкэ уо.д.а тэриллэр.

«Өрөспүүбүлүкэбит сайдыытыгар тыа хаһаайыстыбатын туруу үлэһит дьоно, үтүмэн үлэлэринэн сүдү кылааты киллэрэллэринэн киэн туттабын уонна улахан махталбын биллэрэбин. Саҥа тиэхиньикэ үлэҕит таһаарыылаах буоларыгар төһүү күүс-көмө буолуо диэн эрэнэбин!», — диэн Айсен Николаев бэйэтин телеграм-ханаалыгар суруйда.