Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр.
Степан Саргыдаев 2025 сыл сүрүн түмүктэрин уонна кэлэр сыллааҕы былааннарын туһунан иһитиннэрдэ. Кини биир сүрүн ситиһиинэн ааспыт сылга Чурапчы улууһа демография уонна дьиэ кэргэн бэлиитикэтигэр бастыҥ түмүктэри ситиһэн, СӨ Ил Дарханын гранын күрэҕэр кыайыылааҕынан тахсыбытын ааттаата.
Улуус баһылыга байыаннай дьайыы кыттыылаахтарын уонна кинилэр дьиэ кэргэттэрин өйөөһүн ордук суолталаах соругунан хааларын бэлиэтээтэ. Чурапчы улууһугар федеральнай уонна өрөспүүбүлүкэтээҕи өйөбүл миэрэлэриттэн ураты, олорор дьиэ-уот, хомунаалынай уонна тырааныспар өҥөлөрүгэр чэпчэтиилэри киллэрэн туран, муниципальнай миэрэлэр үлэлииллэр.
140-тан тахса сир учаастага тыырыллыбыт, онтон ааспыт сылга байыаннай дьайыы кыттыылаахтарын дьиэ кэргэттэригэр 22 учаастак бэрилиннэ. Көрсүһүүгэ социальнай гаастааһын бырагырааматын олоххо киллэрии туһунан кэпсэтии барда, ол чэрчитинэн 2021 сылтан 2059 олохтоох дьиэлэрин гааска холбообуттар.
2026 сылга улуус 55 олохтооҕун дьиэтин ситим гааһынан хааччыйар былааннаахтар. Чурапчы улууһугар эбийиэктэри тутуу туһунан кэпсэттилэр. Кэнники үс сыл иһигэр Чурапчы сэлиэнньэтигэр аныгы балыыһа комплекса, култуура-успуорт комплекса, бибилэтиэкэ-архыып, Мындаҕаайы сэлиэнньэтигэр 120 миэстэлээх оскуола, Толоон сэлиэнньэтигэр Култуура дьиэтэ тутуллубут.
Былырыын улуус киинигэр 75 миэстэлээх «Кыталык» оҕо уһуйаанын тутуута саҕаламмыт, үлэҕэ 2026 сылга киллэрэр былааннаахтар. Итини таһынан «Харыылаах» уу ситимин саҥардан оҥоруу былааҥҥа баар. Ону тэҥэ 2026 сылга Мындаҕаайы сэлиэнньэтигэр оҕо уһуйаана, 2027 сылга Чурапчы сэлиэнньэтигэр «Березка» оҕо уһуйаана уонна Төлөй нэһилиэгэр оскуола хапытаалынай өрөмүөннэнэллэр. Саахалланар туруктаах дьиэттэн дьону көһөрүү бырагырааматынан 47 элбэх кыбартыыралаах дьиэ тутуллан, 2,5 тыһыынчаттан тахса киһи олорор усулуобуйата тубуста.
«Улуус бигэтик сайдар, социальнай эйгэҕэ, экэниэмикэҕэ уонна дьон олоҕун хаачыстыбатыгар уларыйыылар көстөллөр», – диэн Айсен Николаев бэлиэтээтэ. Тыа хаһаайыстыбата туспа кэпсэтии тиэмэнэн буолла. Айсен Николаев ити салааны өйүүргэ муниципалитеттарга бэриллибит боломуочуйалар чэрчитинэн үлэ хаамыытын ыйыталаста, онно Степан Саргыдаев оройуоннарга субвенциялары үллэрэргэ тыа хаһаайыстыбатын бүтүн бородууксуйатын бастакы уочараттаахтык учуоттуур туһунан этии киллэрдэ.
Степан Саргыдаев этэринэн, быйыл Мырыла сэлиэнньэтэ улуус киининэн буолуоҕа, онно сайыҥҥы кэмҥэ саҥа технологиялары, ол иһигэр агродроннары киллэриэхтэрэ. Ону таһынан улууска түөрт кыра сүөһү иитэр комплексы тутар былааннаахтар. 2026 сыл муниципалитекка Олохтоох оҥорон таһаарыы сылынан биллэрилиннэ. Олохтоох бородууксуйаны оҥорооччулары өйөөһүн үс хайысханан ыытыллыаҕа — тыа хаһаайыстыбата, урбаан уонна норуот уус-уран оҥоһуктара. Сиһилии: https://www.sakha.gov.ru/news/19701
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…
Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин…
Бу туһунан Судаарыстыбаннай Дума Бэрэссэдээтэлэ Вячеслав Володин иһитиннэрдэ. Ийэ хапытаалын кээмэйэ улаатта. Бастакы оҕо төрөөтөҕүнэ дьиэ…