Айсен Николаев Чурапчы улууһун дьаһалтатын бачыымын өйөөтө

Share

СИА. Андрей Сорокин хаартыскаҕа түһэриитэ

Бүгүн, олунньу 20 күнүгэр, Ил Дархан Айсен Николаев Чурапчы улууһун баһылыга Степан Саргыдаевтыын көрсөн, ынах сүөһүнү уонна сылгыны этэҥҥэ кыстатан таһаарыы туһунан кэпсэттэ. Биллэрин курдук, тохсунньуга халлаан аһара уһуннук тымныйбытын түмүгэр, ордук сыспай сиэллээх улахан охсууну ылбыта биллэр.
Чурапчы баһылыга Степан Саргыдаев иһитиннэрбитинэн, улуус дьаһалтата хаһаайыстыбалары өйүүр сыалтан сылгы аһылыгын атыылаһыы ороскуотун аҥаарын уйунар туһунан быһаарыныыны ылыммытын иһитиннэрдэ. Айсен Николаев Чурапчы улууһун дьаһалтатын көҕүлээһинин өйөөтө уонна атын улуустар бу бадьыымы ыланалларыгар сөптөөх үлэни ыытарга эттэ.
Степан Саргыдаев гидротехническэй тутуулары өрөмүөннээһин былааннарын туһунан кэпсээтэ.  «Бүгүҥҥү күҥҥэ Чурапчы улууһун үрдүнэн барыта  гидротехническэй 43 эбийиэк баарыттан 20-тэ үлэлиир туруктаах. Атыттарга хапытаалынай өрөмүөн ыытыллыан уонна сорохтор оннуларыгар саҥа эбийиэк тутуллуон наада», — диэн улуус баһылыга эттэ. Санатар буоллахха,  Одьулууҥҥа баар тустаах эбийиэк 2014 сыллааҕы халаан уутуттан улаханнык эмсэҕэлээбит. Улуус дьаһалтата симиэтэ докумуонун бэлэмнээбит уонна Тыа хаһаайыстыбатын министиэристибэтин иһинэн үлэлиир мелиорация бырагырааматыгар киирсэр санаалаах эбит.
Чурапчы улууһа тэриллибитэ 375 сылын бэлиэтиэҕэ. Бу бэлиэ күҥҥэ улууска социальнай эбийиэктэр тутуллаллар. Улуус дьаһалтата  Чакырга саҥа оскуоланы тутары туруорсар.  Степан Саргыдаев этэринэн, оскуола саахалланар туруктаах. Оҕолор биэс сиринэн үөрэнэллэр эбит.

Recent Posts

  • Сонуннар
  • Уопсастыба

Кыһыннары ититиллэр оҕо былаһааккатын тутууну мээр болҕомтоҕо ылла

Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…

8 минут ago
  • Сонуннар
  • Уопсастыба

Оҕону ааҕарга көҕүлүүр кииннэр грант ылыахтара

Төрөөбүт тыллары харыстыыр ​​уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…

38 минут ago
  • Сонуннар

Дьокуускайга сыбаалкаҕа турбут баһаары умуруоруу салҕанар

Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…

1 час ago
  • Сонуннар
  • Сүрүн

Тыа сирин дьокутааттарын III сийиэһин пленарнай мунньаҕа өрө күүрүүлээхтик барда

Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…

1 час ago
  • Бэрээдэк
  • Уопсастыба

Дьахтар наркотигынан эргинэн 17 сылга көҥүлэ быһылынна

Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…

2 часа ago
  • Сонуннар
  • Уопсастыба

MAX платформаҕа «Мин докумуоннарым» киин чат-бота үлэлиир

Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…

3 часа ago