Хаартыска: А.Сорокин (ЯСИА)
Ил Дархан Айсен Николаев Өрөспүүбүлүкэтээҕи ипотека ааҕыныстыбатын (РИА) 2025 сылга үп-хаһаайыстыбаннай үлэтин түмүктэрин уонна 2026 сылга былааннарын билистэ.
Кини куорат “Спортивнай” дьоҕус оройуонугар олорор дьиэни тутууну уонна дьону олохтооһун хаамыытын күүһүрдэргэ дьаһайда. Манна 2025 сылга икки социальнай эбийиэк – успуорт элбэх хайысхалаах саалата уонна оҕо уһуйаана үлэҕэ киллэриллибиттэрэ. 2026 сылга 9,8 тыһыынча кв.миэтэрэ иэннээх “2Б-2” элбэх мэндиэмэннээх дьиэни тутуу салҕаныаҕа. Уопсайа 9,5 тыһыынча кв.миэтэрэ иэннээх, элбэх кыбартыыралаах 16 саахалланар кутталлаах дьиэттэн көһөрүү торумнанар.
«Кыбартаал социальнай инфраструктуратын тутуу үлэтэ көхтөөхтүк ыытыллар. Билигин сир учаастактарын босхолоон, салгыы тутууну ыытыахха наада”, — диэтэ Ил Дархан.
Дьокуускай куорат “Звезднай” дьоҕус оройуонугар элбэх кыбартыыралаах биэс дьиэни үлэҕэ киллэрии былааннанар. Бу дьиэлэртэн үһэ монолитынан, онтон иккитэ Дьиэ тутар кэмбинээт модернизированнай собуотугар оҥоһуллубут панелларынан тутуллар. Быйыл дьоҕус оройуоҥҥа элбэх кыбартыыралаах өссө 4 дьиэни тутуу саҕаланыаҕа. РИА 2025 сылга элбэх кыбартыыралаах биир дьиэни үлэҕэ киллэрбитэ уонна “Звезднайга” өссө алта дьиэни салгыы туппута.
«РИА кэлэктиибигэр уонна салалтатыгар 2025 сылга туруоруллубут соруктары толорбуттарыгар махталбын биллэрэбин. Агентство саахалланар кутталлаах дьиэттэн көһөрүү, “Звезднай” уонна “Спортивнай” дьоҕус оройуоннары биир кэлим сайыннарыы боппуруостарынан, Дьокуускай куорат маастар-былаанын чэрчитинэн улахан бырайыактары олоххо киллэриинэн актыыбынайдык дьарыктаммыта”, — диэн Айсен Николаев РИА көмөтүнэн киин куоракка тутуу кээмэйэ аҕыйаабатаҕын бэлиэтээтэ.
Санатан эттэххэ, Арассыыйа бэрэсидьиэнэ бигэргэппит Дьокуускай куорат маастар-былааныгар “Звезднай” олохтоохторугар табыгастаах инфраструктураны оҥоруу көрүллэр. Кэнсиэпсийэ быһыытынан, “Байыаннай чаас” кыбартаалга элбэх кыбартыыралаах, аҕыйах мэндиэмэннээх (4-9) 30 дьиэни тутуу былааннанар.
СӨ Ил Дарханын уонна бырабыыталыстыбатын пресс-сулууспата
Саха сирин олохтоохторо олорор сирдэринэн поликлиникаларыгар босхо диспансеризацияны бэйэлэригэр табыгастаах бириэмэҕэ, ол иһигэр субуотаҕа, ааһыахтарын…
Горнай улууһун Мытаах сэлиэнньэтин олохтооҕо, тыыл уонна үлэ бэтэрээнэ Варвара Тимофеева 100 сааһынан үбүлүөйүн бэлиэтээтэ.…
Олунньуга дуоллар сыаната 73–82 солкуобай, евро — 92–98 солкуобай, юань — 10,8–11,3 солкуобай буолуоҕа диэн…
ИДьМ сулууспатын 2 №-дээх полициятын отделын дьуһуурунай чааһыгар Дьокуускай куорат олохтооҕо баан счетуттан 200 тыһыынча…
В.П.Ларионов аатынан “Инникигэ хардыы” өрөспүүбүлүкэтээҕи эдэр чинчийээччилэр билим кэмпириэнсийэ-күөн күрэстэрин иитинэн “Оскуола билимҥэ кулууптара: кыһалҕата…
Тохсунньу бастакы нэдиэлэлэригэр саҥа тимир көлө сыаналара ортотунан 1,5–3% үрдээтэ. Сыана үрдээһинэ НДС уонна утилизационнай…