Айсен Николаев: «Дьиҥнээх патриоттары иитэн таһаарыахтаахпыт»

Оҕону оскуолаттан патриотическай тыыҥҥа, өрөспүүбүлүкэтин уонна дойдутун дьиҥнээх гражданинын быһыытынан иитэр наадатын туһунан Ил Дархан Айсен Николаев бүгүҥҥү «Якутия, вперёд!» биэрии быһа эпииригэр эттэ.
Ил Дархан Айсен Николаев 2024 сылга үөрэхтээһин хаачыстыбатын үрдэтиигэ Арассыыйа 15 бастыҥ эрэгийиэнин иһигэр киирэрин курдук сыал-сорук турар диэн бэлиэтээтэ. Ону таһынан ыччаты патриотическай тыыҥҥа иитии үлэтэ күүһүрүөхтээҕэ этилиннэ.
«Биһиги үөрэхтээһин хаачыстыбатын тупсарар соругу ылынан, Арассыыйа 15 бастыҥ эрэгийиэнин иһигэр киириэхтээхпит. Бүгүн оҕону патриотическай иитии боппуруостара сүрүн суолтаны ылаллар. Биһиги оҕону патриотическай тыыҥҥа иитиинэн бастакынан саҕалаабыппыт, билигин иннибит диэки барыахтаахпыт. Оҕону оскуолаттан патриотическай тыыҥҥа үөрэтиэхтээхпит. Өрөспүүбүлүкэтин уонна Улуу Арассыыйа дьиҥнээх гражданина буоларын ситиһиэхтээхпит», — диэн эттэ Айсен Николаев.
Дойдубут инникитэ – учууталлар илиилэригэр, онон биһиги кинилэри өйүөх эрэ тустаахпыт, ол иһин Педагог уонна уһуйааччы сылынан бары улуустарга анал грант олохтоотум диэн бэлиэтээн эттэ.
Сообщить об опечатке
Текст, который будет отправлен нашим редакторам: