Хаартыска: sakha.gov.ru
СӨ Ил Дархана Айсен Николаев Докучаевскай куоракка ДНӨ баһылыга Денис Пушилины кытта көрүстэ.
«Бастатан туран, дьон баҕатын уонна наадыйыытын хайысхатынан үлэлиэхтээхпит – суолу-ииһи, уопсастыбаннай миэстэлэри, социальнай эбийиэктэри, элбэх кыбартыыралаах дьиэлэри өрөмүөннүүр үлэлэри ыытыахтаахпыт. Элбэх өҥөнү оҥорор Киин аһыллыытын үлэтэ номнуо түмүктэннэ. Манна биһиги бары биир улахан хамаанданан үлэлиибит– биир улахан дьиэ кэргэн тэҥник бэйэ-бэйэбитин өйүөхпүтүн наада», — диэтэ Айсен Николаев.
Денис Пушилин Саха сирин олохтоохторугар Кировскай куораты чөлүгэр түһэриигэ көмөлөрүн иһин махталын тиэртэ. Кини ыытыллыбыт үлэ түмүгүнэн куорат тупсубутун бэлиэтээтэ.
Көрсүһүү кэмигэр эрэгийиэн баһылыктара Докучаевскай куорат социальнай эбийиэктэригэр өрөмүөннүүр-чөлүгэр түһэрэр үлэлэр былааннанарын дьүүллэстилэр. Ол иһигэр Саха сирэ бырайыактыыр-сметнэй докумуонунан бассейннаах успуорт саалата, култуура, сынньалаҥ паарката уонна култуура дьиэтэ тутуллуоҕа. Кэлэр сылга бу эбийиэктэри РФ Култууратын министиэристибэтин нөҥүө федеральнай бырайыакка кыттарга сайаапкалары биэрии былааннанар.
СӨ Ил Дарханын уонна Бырабыыталыстыбатын пресс-сулууспата
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…