Хаартыска sakha.gov.ru ылылынна
Айсен Николаев бу күннэргэ ДНӨ үлэлиир. Кини онно Саха сириттэн сылдьар байыастары көрүстэ.
Ил Дархан байыастар байыаннай бэлэмнэниини барар сирдэригэр, байыаннай чаастарга уонна полигоннарга сырытта. Ону сэргэ, пилота суох көтөр тэриллэр кииннэригэр сылдьан үлэни-хамнаһы билистэ.
«Истиҥ көрсүһүүлэр буоллулар. Элбэх ыччаты билэбин, хаста да көрсөн, кинилэр историяларын истэн, күүстэрин, тулуурдарын көрөн-билэн турабын. Кинилэр бары инники күөҥҥэ, барыбыт уопсай Кыайыыбыт туһугар сылдьаллар«, — диэн Айсен Николаев бэйэтин санаатын ТГ-ханаалыгар бэлиэтиир.
Көрсүһү кэмигэр Ил Дархан байыастар туохха эбии наадыйалларын, санааларын иһиттэ. Кини байыастар тугу көрдөспүттэрин, эппиттэрин өрөспүүбүлүкэ учуоттуоҕун эттэ.
«Көрдөһүүлэрэ, баҕа санаалара сурулунна, барыта болҕомтоҕо ылыллыаҕа. Хамандыырдарын кытары кэпсэттим. Биһиги байыастарбытын хайгыылларын үөрэ иһиттим. Саха сирин байыастара эрэллээхтэрин, хорсуннарын бэлиэтииллэр«, — диир кини.
Тирэх пууҥҥа Ил Дархан тиэхиньикэлэри туттарда. Саха сирин байыастара сулууспалыыр байыаннай чаастара «Патриотическая» ТОР резиденигэр «Якт-Сокол» ХЭУо бэлэмнээбит 7 вездеходун сэртипикээтин туттулар.
Санатан эттэххэ, Саха сирэ байыастары эбии малынан-салынан, наадалаах тэрилинэн хааччыйыыта тиһиктээхтик салҕанар. Бу кэмнэр усталарыгар өрөспүүбүлүкэ инники кирбиигэ элбэх тырааныспары уонна пилота суох көтөр тэриллэри ыытта. Тепловизордар, түүн көрөр тэриллэр, сибээс сириэстибэлэрэ, электрогенератордар, сылытар тэриллэр, таҥас-сап, тэрил, уо.д.а. маллар-саллар тиһиктээхтик ыытыллаллар.
2022 сыллаахха байыастарга көмөлөһөр сыаллаах-соруктаах Биир кэлим сүрүннүүр киин тэриллибитэ. Айсен Николаев тус бэйэтэ салайар «Вместе к Победе» анал хамыыһыйата тэриллэн үлэлиир. Бу хамыыһыйа Москваҕа, Дьокуускайга, Владивостокка ыстааптар үлэлэрин, ону таһынан Саха сирин байыастарын наадалаах малынан-салынан, тэрилинэн эбии хааччыйар ыстаап үлэлэрин сүрүннүүр.
СӨ Ил Дарханын уонна Бырабыыталыстыбатын пресс-сулууспата
Сэтинньи 22 күнүгэр Индигир өрүс төрдүгэр былыр-былыргыттан олохсуйан олорор Русскай Устье, Походскай сэлиэнньэлэр олохтоохторун устуоруйаларыгар,…
2019 сылтан Уһук Илин уокуругар «Жилье и городская среда» национальнай бырайыак үлэлиир. Бу кэм устата…
Саха сиригэр 27 440 төрөппүт оҕолорун иитэллэригэр үрдэтиллибит биэнсийэни ылаллар диэн Социальнай пуонда Саха сиринээҕи…
Бүгүн Дьокуускай куоракка анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта былаас уорганнара,…
Бу күннэргэ Дьокуускайга уйулҕа үлэһиттэрин V пуорумнара буола турар. Үс сиэксийэнэн арахсан, өрөспүүбүлүкэ тутаах тэрилтэлэрин…
Психолог күнүн чэрчитинэн, Өрөспүүбүлүкэтээҕи психологическай кииҥҥэ «Практическая психология: актуальные вопросы» диэн V психологтар пуорумнара ыытылла…