Айсен Николаев урбаан координационнай сэбиэтин бу сыллааҕы бүтэһик мунньаҕар дьоҕус уонна орто биисинэс интэриэһин көмүскүүр тыл эттэ.
Инвестиционнай турукка эрэгийиэн эриэйтинэ төһө да үрдүгүн иһин, урбаанньыттар үлэлэрэ уустук усулуобуйалааҕын Ил Дархан бэлиэтээтэ. Үөскээбит балаһыанньаны интэриэстээх өрүттэр соччото суохтук бииргэ үлэлэһиилэрин түмүгэ диэн эттэ.
“Биһиги өрөспүүбүлүкэбит инвестиционнай туругунан (инвестклимат) төһө даҕаны дойдуга 14-с уонна Уһук Илиҥҥэ 6-с миэстэлэммитин иһин, баар балаһыанньаттан соччо үөрбэппин. Судаарыстыбаннай былаас уорганын, олохтоох бэйэни салайыныы уонна урбаанньыттар икки ардыларыгар элбэх өйдөспөт быһыы баарын көрөбүн. Хас биирдиилэрэ үчүгэй, сөптөөх буоларыгар дьулуһар эрээри, түмүгэр биир сиргэ турабыт, онтон сылтаан бары эрэйдэнэллэр – биисинэс, судаарыстыба уонна саамай сүрүнэ биһиги олохтоохторбут. Бэйэ-бэйэни истэр ирдэнэр. Инвестиционнай килимээт туһунан эттэхпитинэ, маныаха саамай сүрүнэ – урбаанньыттар, кинилэр этэллэрин истиэхтээхпит” – диэн Айсен Николаев бэлиэтээтэ.
Ил Дархан дьоҕус уонна орто биисинэскэ үлэлиир кыахтаах нэһилиэнньэ быһа холуйан 3/1 үлэлиирин, инвестиционнай килиимэти тупсарыыга сиртэн хостооччулары киллэрэн туран, бөдөҥ корпорациялардааҕар бу суолталаах оруоллааҕын санатта. Былаас уорганын үлэһиттэрэ урбанньыттары кытта кэпсэтиитэ тэрийиҥ диэн эттэ.
Айсен Николаев ис инвестордары кытта үлэлэһиигэ координационнай киини тэрийиигэ биисинэс этиитин өйөөтө. Урбаанньыттар тустаах киини Инвестицияны кытыннарыы уонна экспорды өйөөһүн ааҕыныстыбатын иһинэн арыйар туһунан этии киллэрэллэр. Сиһилии манна ааҕыҥ.
Ил Дархан уонна Бырабыыталыстыба пресс-сулууспата.
Бу күннэргэ СӨ тыа хаһаайыстыбатын министиэристибэтэ халаантан эмсэҕэлээбит Өймөкөөн улууһун нэһилиэктэригэр паромунан сырыы түмүктэниэр диэри…
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…
«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр…
Дьокуускайга 23 саастаах таксыыһы туттулар. Эдэр киһи полиция үлэһиттэриттэн куота сатаабыт. Бу туһунан СӨ ИДьМ…