Владимир Путин 2022 сыл сэтинньи 15 күнүнээҕи ыйааҕынан, Дьокуускайга «Килбиэннээх үлэ куората» үрдүк аат иҥэриллибитэ. Бүгүн бу бэлиэ түгэнинэн киин куоракка үөрүүлээх тэрээһин буолла.
Бу үрдүк аат Арассыыйатааҕы “Кыайыы” тэрийэр кэмитиэт быһаарыытынан, РФ бэрэсидьиэнин ыйааҕынан иҥэриллэр.
Үөрүүлээх тэрээһиҥҥэ Ил Дархан Айсен Николаев, Судаарыстыбаннай Дуума дьокутаата Сардана Авксентьева, Дьокуускай куорат баһылыга Евгений Григорьев, куорат олохтоохторо кытыннылар.
Айсен Николаев куорат олохтоохторун «Килбиэннээх үлэ куората» бочуоттаах аат иҥэриллибитинэн уонна Кыайыы Пааркатын стелатын бырайыага оҥоһуллубутунан эҕэрдэлээтэ.
«Бастатан туран, күндү куорат олохтоохторо патриотическай идиэйэлэри өйөөһүҥҥүт иһин махтанабын. Киин куорат уопсастыбаннаһын көҕүлээһинэ хас да түһүмэхтээх үлэ ыытыллыытыгар олук ууруллубута. Бу көҕүлээһини уокуруктааҕы дьаһалта салалтата, өрөспүүбүлүкэ парламена өйөөбүтэ», — диэтэ Ил Дархан.
Дьокуускай куоракка “Килбиэннээх үлэ куората” ааты иҥэрии Саха Өрөспүүбүлүкэтин 100 сыллаах үбүлүөйдээх сылын биир ураты суолталаах түмүктээһининэн буолар. Бүтүн Саха сирин олохтоохторо Аҕа дойду сэриитигэр Улуу Кыайыыга киллэрбит сүҥкэннээхэй кылааттарын үрдүктүк сыаналааһын буолар.
Оччотооҕу уодаһыннаах кэмнэргэ Сэрии саҕаланыытыгар Саха сиригэр 414 тыһыынча киһи олороро. 1941 сыллаахха 16 964 киһи сэриигэ ыҥырыллыбыта. Олортон сорохторо, 5 тыһыынча курдук киһи, ити сыл күһүн уоттаах сэриигэ киирбитэ. Москва, Ленинград куораттары көмүскээһиҥҥэ кыттыбытара.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…
Саха сирин социальнай көмүскэлин эдэр исписэлиистэрин кытта үөрэх сүлүөтүн иитинэн, бу салаа фундаментальнай сыаннастарын дьүүллэстилэр.…
Күн-дьыл туруга бу күннэргэ хайдаҕый? Өрөспүүбүлүкэ киин, соҕуруу, арҕаа улуустарыгар быстах ардахтаах, сорох сиринэн этиҥнээх.…
Бүгүн Өймөкөөн улууһугар өрүстэр уонна үрэхтэр хааларыттан тахсан, оройуоҥҥа үрдүк бэлэмнээх буолуу эрэсиимэ биллэриллибитэ. Күнүс…
Саха сиригэр дроннар -- пилота суох көтөр аппарааттар таһаҕаһы тиэрдэн саҕалаатылар диэн Ил Дархан Айсен…