Айсен Николаев Дьокуускай куорат сайдыытын тутаах соруктарын туһунан Евгений Григорьевтыын кэпсэттэ

Саха сирин Ил Дархана Айсен Николаев Дьокуускай куорат баһылыга Евгений Григорьевы кытта оробуочай көрсүһүүтэ буолла.

Өрүттэр өрөспүүбүлүкэ киин куоратын салалтатын иннигэр турар соруктары дьүүллэстилэр. Ол иһигэр Дьокуускайга оттук сезонун  туһунан кэпсэттилэр.

Евгений Григорьев Айсен Николаевка кыстыкка бэлэмнэниигэ ыытыллыбыт тэрээһиннэр тустарынан сиһилии отчуоттаата уонна хомунаалынай хаһаайыстыба билиҥҥи туругун кэпсээтэ.

Ону тэҥэ куорат олохтоохторун олохторун таһымын үрдэтиигэ туһуламмыт национальнай бырайыактары олоххо киллэрии билиҥҥи түһүмэхтэрин дьүүллэстилэр. Тутаах бырайыактартан биирдэстэрэ – саҥа оскуолалары, уһуйааннары, успуорт эбийиэктэрин уонна мэдиссиинэ тэрилтэлэрин тутуу.

Куорат инфраструктуратын  сайдыытын боппуруостарын дьүүллэһии чэрчитинэн, Айсен Николаев тутууга көҥүлү биэрии кээмэйин аччатыы кыһалҕатын санатта. Бу 2028-2029 сылларга саҥа дьиэни Дьокуускайга киллэрини аччатыан сөп.

Бу кыһалҕаны быһаарыыга мээр Ил Дархаҥҥа кэккэ этиилэри киллэрдэ, олор ортолоругар тутааччылары кытта үлэлэһии саҥа ньымалара, инженернэй инфраструктураны сайыннарыы уонна сир учаастактарын биэрии процедуратын судургутутуу.

Ону тэҥэ Дьокуускай маастар-былаанын олоххо киллэрии.

“Өрөспүүбүлүкэ куораты кытта  тумус тутуллар соруктары быһаарыыга салгыы бииргэ үлэлиэҕэ, бу ситимнээхтик уонна дьиҥнээх кыахтары туһанан барарын курдук”, — диэтэ Айсен Николаев.