Андрей Сорокин хаартыскаҕа түһэриитэ, СИА
Ил Дархан Айсен Николаев Дьокуускай куорат мэрин Евгений Григорьевы кытта Улуу Кыайыы 80 сылыгар ыытыллар сүрүн тэрээһиннэр былаһааккаларын бэрэбиэркэлээтилэр.
Бу миэстэтигэр тиийэн көрүүгэ-истиигэ биэдэмистибэлэр салайааччылара уонна быраабы араҥаччылыыр органнар бэрэстэбиитэллэрэ кыттыыны ыллылар. Улахан болҕомто куттал суох буолуутун хааччыйыы боппуруостарыгар уурулунна.
—Биһиги эбийиэктэр тас көрүҥнэрин сыаналааһынынан муҥурдаммакка, куттал суох буолуутун боппуруоһугар уонна логистика табыгастаах буоларыгар болҕомтобутун эмиэ туһаайдыбыт. Бары эппиэтинэстээх структуралар улахан үлэни ыыппыттар. Онон тэрээһиннэр үрдүк таһымнаахтык ыытыллалларыгар эрэнэбин, — диэтэ Айсен Николаев.
Көрүү-истии, бэрэбиэркэлээһин биир сиринэн Кыайыы болуоссата буолла. Бу бырааһынньык сүрүн тэрээһинэ ыытыллар сирэ. Манна тэрээһиннэр ыам ыйын 9 күнүгэр буолуохтара, ол иһигэр «Өлбөт үйэлээх полк», «Өйдөбүнньүк чүмэчитэ», оһуохай, уо.д.а. киирэллэр. Маны таһынан, хас да сыл кэнниттэн, салют буолуоҕа.
Сэбиэскэй Сойуус Дьоруойа Федор Попов искибиэрин көрдүлэр. Манна ыам ыйын 8 күнүгэр боруонса монумены арыйыы сиэрэ-туома ыытыллыа. Пааматынньык Санкт-Петербурга оҥоһуллубут.
Кыайыы паарката. Манна «Город трудовой доблести» стела уонна биллиилээх артиллерист Гаврил Протодьяконов пааматынньыгын таһыгар үөрүүлээх тэрээһиннэрэ күүтэллэр.
Маны таһынан, Айсен Николаев Бары Сибэтиэйдэр Храмнарыгар сырытта. Манна ыам ыйын 9 күнүгэр эмиэ тэрээһин былааннанар.
Санатан эттэххэ, Кыайыы күнүгэр тыһыынчаттан тахса тэрээһин ыытыллыа. Холобур, «Өлбөт үйэлээх полк» аахсыйа бары нэһилиэнньэлээх пууннарга тэриллэр.
«Кыайыы түннүктэрэ», «Тиэргэнинэн ыллыыбыт», Өйдөбүнньүк чүмэчитэ» патриотическай аахсыйалар ыытыллаллар.
Дьокуускайга «Кыайыы проспега» тэриллиэ, ол иитинэн Орджоникидзе болуоссатыттан Доҕордоһуу болуоссатыгар диэри бырааһынньыктыы киэргэтиэхтэрэ.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Сиһилии: https://www.sakha.gov.ru/news/3905 манна киирэн ааҕыаххытын сөп.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…