Хаартыска СИА, Андрей Сорокин
Ил Дархан Айсен Николаев национальнай бырайыактар уонна өрөспүүбүлүкэ судаарыстыбаннай бырагырааматын иитинэн үлэҕэ киириэхтээх эбийиэктэр тутууларын, саҥардыллыыларын сүрүннүүр суһал ыстаап мунньаҕын ыытта.
Дьокуускай куоракка ыытыллар социальнай суолталаах бөдөҥ эбийиэктэр тутууларын – “ПроШкола” ХЭУо кытта түһэрсиллибит концессионнай сөбүлэҥ иитинэн тутуллар үөрэх тэрилтэлэрин, “Хотугу сулус” сылы эргиччи үлэлиир оҕо сынньалаҥын уонна доруобуйатын бөҕөргөтөр киин, өрөспүүбүлүкэтээҕи онкологическай диспансер, ону тэҥэ, “Спортивнай” түөлбэ территориятын комплекснай сайдыытын олоххо киллэрии боппуруостарын көрдүлэр.
Мунньахха улахан болҕомтону Саха сиригэр тутуу кылгас кэмҥэ ыытыллар уратытын учуоттаан, бырайыактыыр-симиэтэлиир докумуоннарын бэлэмнээһиҥҥэ уонна эбийиэктэр тутууларыгар уурдулар.
Ил Дархан бу эбийиэктэр Саха сирин олохтоохторун олохторун хаачыстыбатын үрдэтиигэ суолталаахтарын ыйда.
“Дьон кэтэһэрин учуоттаан, бу социальнай эбийиэктэри бырайыактааһыны, тутууну уонна үлэҕэ киллэриини тэтимирдиэхтээхпит. Холобур, “Хотугу сулус” оҕо киинин тутуутун түһүмэхтэрин быһаарар, өрөспүүбүлүкэтээҕи онкологическай диспансер былаһааккатыгар үлэһит ахсаанын эбэр ирдэнэр. Хааччахтааһыннары аахсыбакка туран, мэдиссиинэ тэриллэрэ кыраапыкка олоҕуран туруоруллуохтаахтар, таҥыллыахтаахтар. “Спортивнай” түөлбэҕэ уһуйаан уонна успуорт комплексын тутуута быйыл атырдьах ыйыгар саҕаланыахтаах, ол иннинэ 130 кыбартыыраҕа олохтоохтору киллэриэхтээхпит”, — диэн Ил Дархан Айсен Николаев сорудах биэрдэ.
Ил Дархан уонна Бырабыыталыстыба пресс-сулууспата.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…