Хаартыска: Мэдиссиинэ национальнай киинин пресс-сулууспата.
Дьон-сэргэ доруобуйата – бу биһиги саамай сүрүн хапытаалбыт, хас биирдии киһи доруобуйатыгар кыһаныахтаах диэн бүгүн, тохсунньу 17 күнүгэр, Ил Дархан Айсен Николаев ГТРК «Саха» «Россия 24» телеханаалын «Прямой разговор» биэриитигэр эттэ.
«Дьон доруобуйата, биллэн турар, биһиги бастакы сорукпут. Кэнники сылларга дьон олоҕун, доруобуйатын тупсарыыга элбэх оҥоһулунна, өссө даҕаны элбэх оҥоһуллуоҕа. Биһиги билигин доруобуйа харыстабылын материальнай-тэхэниичэскэй баазата хайдах бөҕөргөөн эрэрин көрөбүт. Улуустар, куораттар аайы доруобуйа харыстабылын элбэх эбийиэктэрэ тутуллан киирэллэр. Ааспыт биэс сылга өрөспүүбүлүкэ оройуоннарыгар үс бөдөҥ балыыһа комплекса уонна Кардиологическай киин тутуллан киирдилэр», — диэн Айсен Николаев бэлиэтээн эттэ.
2024 сыл бастакы кыбаарталыгар бүтүөр диэри бэрэсидьиэн Владимир Путин көҕүлээбит «Доруобуйа харыстабыла» национальнай бырайыагын чэрчитинэн мэдиссиинэ 4 бөдөҥ эбийиэгэ тутуллан, үлэҕэ киириэҕэ.
« Аҥардас 2024 сыл бастакы кварталыгар 4 улахан эбийиэги киллэриэхтээхпит — үс улахан балыыһа комплексын тутан киллэриэхтээхпит. Ити материальнай-тэхэньиичэскэй баазаны сайыннарыы тэтимин көрдөрөр», — диэтэ Айсен Николаев.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…