Айсен Николаев эһэтин олоҥхотуттан быһа тардан аахта

Ил Дархан Айсен Николаев Саха сирин Национальнай бибилэтиэкэтигэр сырытта. Бу туһунан кини социальнай ситимнэргэ үллэһиннэ.

«Бу сиргэ ураты атмосфералаах: манна үлэлэрин таптыыр, кинигэҕэ харыстабыллаахтык сыһыаннаһар дьон үлэлиир. Бу кинилэр үлэлэригэр сыһыаннарыттан, хас биирдии бэлиэҕэ болҕомто ууралларыттан көстөр», — диэн Айсен Николаев суруйар.

Ил Дархаҥҥа дойдуга сэттис уонна Уһук Илиҥҥэ соҕотох Консервация уонна реставрация киинин көрдөрдүлэр. Манна 17-с үйэтээҕи үҥэр кинигэни реставрациялааһын ураты пааматынньыгынан буолар. Үлэ номнуо түмүктэммит.

Итиэннэ бибилэтиэкэ үлэһиттэрэ Айсен Николаевы кытта саха тылын харыстааһын уонна сайыннарыы туһунан кэпсэттилэр. Ил Дархан эһэтин, олоҥхоһут Андрей Титович Титаров «Хардааччы Бэргэн» олоҥхотуттан быһа тардыыны ааҕан, «Истиҥ» бырайыакка кытынна.