Андрей Сорокин хаартыскаҕа түһэриитэ, СИА
СӨ Ил Дархана Айсен Николаев бүгүн, ыам ыйын 14 күнүгэр, ыксаллаах быһыыны-майгыны сэрэтэр уонна куттал суох буолуутун хааччыйар хамыыһыйа мунньаҕар, ойуур баһаарын утары өйдөтөр, сэрэтэр үлэни күүһүрдэргэ соруйда.
Ыам ыйын саҥатыттан, ойуур баһаарын кутталлаах сезона саҕаланыаҕыттан, 75 ойуур баһаара (уот хаппыт уопсай иэнэ 23 тыһ.тахса га) уонна 162 ландшафтнай баһаар (уот хаппыт иэнэ 5 тыһ.тахса га) бэлиэтэммит.
—Былырыыҥҥы сылы кытта тэҥнээтэххэ элбэх, — диэн Айсен Николаев ыйда. Ил Дархан улуустарга, куорат уокуруктарыгар дьоҥҥо-сэргэҕэ өйдөтөр-сүбэлиир, быһаарар үлэ ситэтэ суох буолан, баһаар элбэх диэн бэлиэтээтэ.
—100% — киһиттэн тутулуктаах. Бу профилактика үлэтэ умнуллубутун, улуустарга итинэн дьарыктамматтарын көрдөрөр. Улуустар баһылыктара миэстэтигэр күүскэ үлэлиэхтээхтэр этэ, — диэтэ кини мунньах кыттыылаахтарыгар туһаайда.
Айсен Николаев баһаар буруйдаахтарын эппиэтинэскэ тардарга, ону быһаарар үлэни күүһүрдэргэ эттэ.
Маны сэргэ мунньахха сааскы халаан балаһыанньата көрүлүннэ. Ил Дархан муус хамсааһына эрдэ саҕаламмыт Халыма балаһыанньата дьиксиннэрэрин бэлиэтээтэ. Маны таһынан кини Кэбээйи оройуонугар муус хамсааһынын хонтуруолга тутарга соруйда.
—Билигин муус хамсааһынынан бары улуустарга кэтээн көрүүнү күүһүрдэргитигэр соруйабын. Ыксаллаах быһыы-майгы үөскүүр түгэнигэр суһаллык быһаарарга бэлэм буолуохтааххыт, — диэтэ кини.
Сиһилии: https://www.sakha.gov.ru/news/4511 манна көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…