Айсен Николаев «Өлбөт үйэлээх полк» исполкомун салайааччы Наталья Шадринаны кытта көрүстэ

Ил Дархан Айсен Николаев «Өлбөт үйэлээх полк» Арассыыйатааҕы хамсааһын исполкомун салайааччы Наталья Шадринаны кытта көрүстэ. Бу туһунан кини телеграм-ханаалыгар иһитиннэрдэ.

«Аҕа дойду Улуу сэриитин өйдөбүлүн уонна дьоруойдарын харыстааһыҥҥа, ыччаты патриоттуу иитиигэ улахан кылаатын иһин махтанным. Саха сирин олохтоохторугар бу хамсааһын биир саамай суолталааҕынан буолар.

Быйыл бу шествиеҕа  Саха сирин 145 тыһыынчаттан тахса олохтооҕо кыттыбыта. Бэйэлэрин дьоруойдарын мэтириэтин илдьэ тахсыбыт дьон кинилэр туһунан өйдөбүл тыыннааҕын дакаастаабыттара», — диэн Ил Дархан суруйар.