Ил Дархан Айсен Николаев Өлөөн улууһугар оробуочай сырыытын кэмигэр “Күөнэлэкээн” кочевой оскуола үөрэнээччилэрин уонна “Оленекскай” тэрилтэ табаһыттарын кытта көрүстэ.
“Эһиги өбүгэлэргит төрүт үгэстэрин уонна дьарыктарын оҕолоргутугар, сиэннэргитигэр тарҕатаҕыт. Бу улахан суолталаах уонна наадалаах. Табаны иитии уонна төрүт дьарык Өлөөн улууһугар култуураны, билиини оннунан тутан хаалар эйгэ быһыытынан салгыы даҕаны сайдарыгар эрэллээхпин. Бу сыл дойдуга Уһуйааччы сылынан биллэрилиннэ. Эһигини дьиҥнээх педагогтарынан уонна уһуйааччыларынан ааттыахха сөп. Үлэҕитигэр улахан ситиһиилэри баҕарабын. Бырабыыталыстыба өттүттэн биһиги ирдэнэр өйөбүлү барытын оҥоруохпут”, — диэн Айсен Николаев көрсүһүү кэмигэр эттэ.
“Оленекскай” олохтоох тэрилтэ баазатыгар “Күөнэлэкээн” кочевой оскуола үлэлиир. Оскуола, табаһыттар оҕолоругар анаан тэриллибитэ. 2021 сыллаахха уһуйаан саастаах оҕолорго кочевой дьиэ кэргэн бөлөҕүн аспыттара. Оскуолаҕа оҕолору үөрэх дистанционнай технологиятын туһанан уонна төрүт дьарыгынан үөрэтэллэр. Үөрэх бырагырааматыгар эбэҥки тылын уонна култууратын, ону тэҥэ, табаны иитиигэ үөрэтии киирэр.
Оскуоланы бүтэрбиттэр табаһытынан, чум үлэһитинэн, педагогунан, бэтэринээринэн, зоотехнигынан, тутааччынан, ону тэҥэ, атыы-эргиэн уонна олох-дьаһах хомунаалынай хаһаайыстыбатын эйгэтигэр үлэлииллэр.
Өлөөн улууһун кочевой оскуолата – “Тыа сирин оскуолата – Үөрэх бырагыраамата-2018” өрөспүүбүлүкэтээҕи педагогическай дьаарбаҥка “Кочевой оскуола педагога”, “Арктика үөрэҕэ” номинацияларын кыайыылааҕа.
Ил Дархан уонна Бырабыыталыстыба пресс-сулууспата.
Хаартыска: Андрей Сорокин (СИА).
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…