Андрей Сорокин хаартыската, СИА.
Саха сирин баһылыга Айсен Николаев Өлүөхүмэ оройуонугар чөлүгэр түһэрии үлэтигэр сүбэ мунньаҕы ыытта.
“Бүгүн сүрүн сорук – дьон сайабылыанньа биэрэн, төлөбүрдэрин ылалларын курдук түргэнник хоромньу кээмэйин быһаарыы, ону тэҥэ эмсэҕэлээбит нэһилиэктэргэ чөлүгэр үлэни түһэрэр туһугар тутуу матырыйаалын кээмэйин чопчулааһын. Ким даҕаны иэдээни кытта бэйэтэ туран хаалыа суохтаах. Биһиги кылгас болдьоххо уонна үчүгэй хаачыстыбалаахтык чөлүгэр түһэрэр үлэлэри ыытарга бары дьаһаллары ылыныахпыт”, — диэн чопчулаата Саха сирин баһылыга Айсен Николаев.
Кини биэдэмистибэлэр икки ардыларынааҕы туспа оробуочай бөлөҕү 1 Нөөрүктээйи нэһилиэгин чөлүгэр түһэрэргэ тэрийэргэ сорудахтаата.
Барыллаан ааҕыынан, халаантан Өлүөхүмэ оройуонугар 502 киһи эмсэҕэлээтэ. gosuslugi.ru судаарыстыбаннай өҥөлөр порталларыгар ЫБМ түмүгэр эмсэҕэлээбит дьонтон материальнай биир кэмнээх көмөнү ылыыга сайабылыанньаны тутуу саҕаланна. Сайабылыанньалары Өлүөхүмэ куоратын МФЦ-гар эмиэ туталлар.
Саха сирин Ил Дархана тустаах сайабылыанньаны толорууга дьоҥҥо көмөлөһөллөрүгэр сорудахтаата. Кини бастакы уочарат наадалаах малы-салы сүтэриинэн биир кэмнээх материальнай көмө уонна атын төлөбүрдэр толору кээмэйинэн бэриллиэхтээхтэрин ыйда. Бу сыалга үп-харчы СӨ Бырабыыталыстыбатын саппаас пуондатыттан көрүллэр.
Мунньах кэмигэр Айсен Николаев дьиэлэри тутан турар конструкциялар туруктарын сыаналыырга болҕомтону туһаайда. СӨ Тутууга министиэристибэтигэр Өлүөхүмэ оройуонугар сөптөөх исписэлиистэри ыытар наадата ыйылынна.
“Умнас” массыына суолун уу ылбыт учаастагар суол үлэтэ салҕанар. Сотору 1 Нөөрүктээйи сэлиэнньэтигэр диэри суол аһыллыахтаах.
Нэһилиэнньэлээх пууҥҥа ыам ыйын 16 күнүгэр дизельнэй генераторы үлэлэппиттэрэ. Сотору Бирюк сэлиэнньэтигэр уоту биэриэхтэрэ. Кыыллаахха ДГ-500 дизель-генераторы быстах схеманан уотунан хааччыйар туһугар тиэрдиэхтэрэ. Саха сирин баһылыга нэдиэлэ иһинэн уотунан хааччыллыахтаахтар диэн тоһоҕолоон бэлиэтээтэ.
Айсен Николаев Өлүөхүмэ оройуонугар агрокомплекс эбийиэктэрин туруктарын сыаналыырга, тыа хаһаайыстыбатын тэрилтэлэригэр көмөнү оҥорорго эттэ.
Маны сэргэ кини куруук ууга барар сирдэртэн дьону көһөрүү боппуруоһун көрөргө сорудахтаата.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: Андрей Сорокин, СИА
Саха сиригэр буолан ааспыт быыбарга байыаннай дьайыы 18 кыттыылааҕыттан 9-һун таллылар. Кинилэр ортолоругар муниципальнай тэриллии…
Оҕо эрдэхпинэ ыалларым ону-маны кистээн баран, "ол ханна сытарый?" диэн сураһаллара. Онуоха мин ханна сытарын…
Баччаларга, аһын барытын хомуйбут кэнниттэн, тэпилииссэни сернай шашканы уматан ыраастыыр үчүгэй. Ити эрээри бу дьаһал…
Бүгүн, балаҕан ыйын 17 күнүгэр, 13:00 чаастан Ил Дархан Айсен Николаев "Саха" ГТРК "Прямой разговор"…
Саха сиригэр Бүтүн Арассыыйатааҕы байыаннай-тактическай «Путь воина» күрэхтэһиитин бастакы күнэ ситиһиилээхтик саҕаланна. Бу күрэхтэһиигэ бэҕэһээ…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…