Айсен Николаев “Энергетика” хайысхаҕа РФ Госсэбиэтин мунньаҕын ыытыаҕа

СӨ Ил Дархана, РФ Судаарыстыбаннай сэбиэтин “Энергетика” хайысхаҕа хамыыһыйатын бэрэссэдэтэлэ Айсен Николаев Москваҕа РФ бырабыыталыстыбатын бэрэссэдээтэлин солбуйааччы Александр Новагы кытары көрүстэ.

Салайааччылар балаҕан ыйын 26-28 күннэригэр  Арассыыйаҕа Энергетика нэдиэлэтин чэрчитинэн ыытыллыахтаах мунньах бэбиэскэтин сүбэлэстилэр.

Ону  сэргэ өрөспүүбүлүкэҕэ уот ситимигэр тарыыптары бэрээдэктээһин уонна коксалаах чоҕу таска таһаарыыга нолуок бэлиитикэтин дьүүллэстилэр.

Санатан эттэххэ, Айсен Николаев Судаарыстыбаннай сэбиэт “Энергетика” хамыыһыйатын бэрэссэдээтэлинэн быйыл от ыйыгар РФ Бэрэсидьиэнэ Владимир Путин Ыйааҕынан анаммыта. Айсен Николаев   ананыаҕыттан ыла федеральнай уорган мунньаҕын аан бастаан ыытыаҕа.