Айсен Николаев — «Энергетика» хайысхатын Госсэбиэккэ салайааччы

«Саха» НКИХ ыытааччыта өрөспүүбүлүкэ Ил Дархана Айсен Николаев Госсэбиэт биир улахан хайысхатын баһылыыр буолбутунан тугу күүтүөххэ сөбүй диэн ыйытыытыгар хоруйдууругар Айсен Николаев бу дьоһун суолталаах хайысха буоларын бэлиэтээтэ.

«Туох-ханнык иннинэ, дойдуга куттал суох буолуутун хааччыйыы. Хамыыһыйа бары субъектарга энергетика боппуруоһунан дьарыктаныаҕа. Биллэн турар, Саха сирин, Уһук Илин, Арктика уратыларын болҕомтоҕо ылыахпыт. Мин иннибинэ үлэлээбит Сергей Цивилев бу хайысхаҕа үрдүк тэтими биэрэн барда», — диэн бэлиэтээтэ Ил Дархан А.Николаев.