Айсен Николаев энергоэффективноһы үрдэтиигэ саҥа өйөбүл миэрэлэрин киллэрэргэ этии киллэрдэ

Ил Дархан Айсен Николаев РФ Бырабыыталыстыбатын бэрэссэдээтэлэ Михаил Мишустин ыыппыт стратегическэй сиэссийэтигэр энергоэффективноһы үрдэтии өйөбүлүн саҥа миэрэтин туһунан этиини көтөхтө. Айсен Николаев РФ Судаарыстыбаннай сэбиэтин профильнай хамыыһыйатын  салайар киһи быһыытынан, Арктическай зона олохтоохторугар энерготарыып ньыматын тэҥнээһин туһунан эттэ.

«Киин сиртэн ыраах Саха сирин Арктическай зонатыгар уот ситимин тарыыба сэттэ төгүл ыарахан», — диэтэ Айсен Николаев. Кини этэринэн, тарыып балаһыанньата өрөспүүбүлүкэ уопсай бүддьүөтүгэр ноҕуруусканы үрдэтэр . Кини бэлиэтииринэн, уот ситимигэр эрэгийэннээҕи бырагыраамалары  федеральнай бүддьүөттэн үбүлээһин наадалааҕын ыйда.

Михаил Мишустин стратегическэй сиэссийэтигэр  кэккэ боппуруостары быһаарыстылар. Сүрүннээн 2050 сылга диэри энэргэтиичэскэй стратегияны көрдүлэр. Сүрүн соруктарынан эргэ тэриллэртэн аккаастаныы, билигин үлэлиир ТЭС-тэры модернизациялааһын туһунан буолла.