Андрей Сорокин хаартыската, ЯСИА.
Ил Дархан Айсен Николаев Эпос уонна искусство Арктикатааҕы киин тутуутун хаамыытын көрдө-иһиттэ. Бу Уһук Илиҥҥэ баар култуура биир улахан эбийиэгин эрэгийиэн бырабыыталыстыбата уонна «ВИС» бөлөх сөбүлэһии түһэрсэн туталлар.
Эбийиэк сүрүн конструкциялара тутуллан бүппүттэр, фасад үлэлэрэ ыытыллыбыттар. Тутуу иһигэр инженернэй систиэмэлэри, лииптэри, ис эркинин ситэрэн оҥоро сылдьаллар. Киин холлга панормнай лииптэри таҥаллар, эскалатордары туруорбуттар.
«Үлэ ирбэт тоҥ усулуобуйатыгар бара турар, ол иһин хаачыстыбаҕа, эрэллээх буолууга, үлэни чопчу оҥорорго ирдэбил үрдүк. Бу кииҥҥэ премьералар ыытыллыахтара, симфоническай уонна төрүт муусука тыаһыаҕа, тыйаатыр сайдыаҕа, Арассыыйа, норуоттар икки ардыларынааҕы таһымнаах тэрээһиннэр ыытыллыахтара», — диэн Ил Дархан Айсен Николаев этэр.
Филармония уонна тыйаатырдар зоналарыгар мэхээньикэни мантаастаан бүтэрбиттэр. Маны сэргэ тас территориятын тупсаран оҥоро сылдьаллар: тротуардар, Сайсары күөл кытылыгар тахсар күүлэйдиир сир уо.д.а. 177 массыына турарыгар былаһаакка бэлэмнэммит.
Эбийиэккэ 100 үлэһит, 5 тиэхиньикэ үлэлиир. Үлэ үгэнигэр 860-ҥа тиийэ киһи үлэлиэхтээх.
Ил Дархан үлэ хаачыстыбатын уонна быһаарыныылары куруук хонтуруоллуурга соруйда.
Сиһилии: https://www.sakha.gov.ru/news/21995
СӨ Баһылыга Айсен Николаев Бырабыыталыстыба уонна Ил Дархан дьаһалтатын салалтатын кытта мунньахха федеральнай таһымҥа ылыныллыбыт…
Дьокуускай куорат суута ИДьМ силиэстийэлиир чааһын силиэдэбэтэлин хадатаайыстыбатынан “Саха сирин тутааччыларын сойууһа” СРО урукку генеральнай…
2025 сыллаахха ахсынньы 25 күнүгэр РФ Бэрэсидьиэнэ Владимир Владимирович Путин Судаарыстыбаннай Сэбиэт мунньаҕар дойду экэниэмикэтигэр…
Ил Дархан, эрэгийиэн көҥүл тустууга федерациятын бэрэсидьиэнэ Айсен Николаев ааспыт өрөбүлгэ Арассыыйа көҥүл тустууга сүүмэрдэммит…
Бэҕэһээ, олунньу 8 күнүгэр, киэһэ Арассыыйа наукаларын академиятын Геофизическэй сулууспатын Саха сиринээҕи филиалын сейсмическэй ыстаансыйата…
Дьокуускайга ааспыт нэдиэлэҕэ сэттэ суол саахалыгар аҕыс киһи эчэйбит. Бу туһунан бүгүн киин куораттааҕы планеркаҕа…