Хаартыска: СИА.
Өрөспүүбүлүкэ Ил Дархана Айсен Николаев РФ Бырабыыталыстыбатын бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев салайан ыыппыт энэргиэтикэ боппуруостарын быһаарыы мунньаҕар кыттыыны ылла.
Кини бэйэтин этиитин Арассыыйа энергиэтикэҕэ министиэристибэтигэр аадырыстаата. Ил Дархан Дьокуускайга кэлэр Дьокуускайдааҕы ГРЭС магистральнай газопроводын бастакы утаҕа олох мөлтөх туруктааҕар болҕомтону туһаайда, гааһы хааччыйар инфраструктура эргэрбитин бэлиэтээтэ.
— Энэргиэтикэ министиэристибэтин уонна дойду бырабыыталыстыбатын көмөтүнэн үһүс утаҕы бүтүннүү өрөмүөннээн, ахсынньыга үлэҕэ киллэрбиппит. Аны бастакы утаҕы өрөмүөннээһини былааҥҥа киллэрэн, олоххо киллэрэн барыахпыт. Ол эбэтэр генерациялыыр эбийиэктэри Дьокуускайга эмиэ тутуохпут. Ол эрээри, хомойуох иһин, гааһы биэрэр кыахпыт суох буолуо. Маны таһынан ыксаллаах балаһыанньа үөскүөн сөп, — диэн бэлиэтээтэ Айсен Николаев.
Ил Дархан Айсен Николаев 2030 сылга эрэгийиэҥҥэ уот эниэргийэтэ тиийбэт буолуута тахсыан сөбүн ыйда.
Мунньахха Юрий Трутнев Уһук Илиҥҥэ инвестиционнай бырайыактар уотунан хааччыллыыга ыарахаттары көрсөллөрүн ыйда. Маны тэҥэ, олохтоммут болдьоххо тутуллар энергетическэй эбийиэктэр ахсааннара инвестиционнай бырайыактары олоххо киллэрэргэ ситэри буоларын хааччыйар наадалааҕын тоһоҕолоото.
Арассыыйа энергиэтикэтин министиэристибэтин чахчытынан, 2024 сылга уопсай туһаныы 74,3 млрд киловатт-чаас буолбут, ол аата 2023 сыллааҕар 5,2% элбэх. 2024 уонна 2030 сыллар икки ардыларыгар үүнүү 4,9% (дойду үрдүнэн 2,1%) уонна кэлэр кэмнэргэ 1,38% (дойду үрдүнэн 0,94%) буолара сабаҕаланар. Сотору кэминэн Арассыыйа энэргиэтикэҕэ министиэристибэтэ бырагырааманы 2030, 2036 уонна 2042 сылларга диэри кэмнэргэ арааран чуолкайдыырга этиилэри киллэриэҕэ.
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…