Хаартыска: Sakhagov
СӨ Ил Дархана Айсен Николаев Казань куоракка Татарстааннааҕы ньиэп-гаас-химия пуорумун чэрчитинэн ыытыллыбыт «Газпромбаан» дьыалабыай мунньаҕар тыл эттэ.
Кыттааччылар ньиэп-гаас-химия эйгэтигэр бииргэ үлэлээһин саҥа көрүҥнэрин уонна биисинэс инникитин ырыттылар. Мунньахха Айсен Николаев дойду технологическай тутулуга суох буолуутун наадатын бэлиэтээтэ.
«Норуоттар икки ардыларынааҕы бииргэ үлэлээһин олус суолталаах, наадалаах уонна кэрэхсэбиллээх. Ол эрээри биир уустук баар. Бүгүн, сааҥсыйа кэмигэр киирэн, биһиги арҕааҥы партнердарбыт үгүстэрэ баран, үгүс бырайыактары быһаарыыта суох хаалларбыттарын көрдүбүт. Бу биһигини технологическай тутулуга суох буолууга куурсу түргэтэтэргэ күһэйдэ. Биһиги бу хайысхаҕа мөлтөх буолар бырааппыт суох, Арассыыйа ньиэп-гаас салаата кимтэн да тутулуга суох буолуо суохтаах», – диэн РФ Судаарыстыбаннай Сэбиэтин «Энергетика» хайысхатынан хамыыһыйатын бэрэссэдээтэлэ Айсен Николаев эттэ.
Кини санаатынан, билигин ньиэп-гаас салаатыгар импорты солбуйар үлэ сөптөөх хайысханан барар. «Мин манна, Татарстааҥҥа, уонна дойду атын эрэгийиэннэригэр хас да сыл иһигэр үөскээбит кураанах сирдэри толорор эрэ саҥа производстволар буолбакка, үгүс хайысханан өссө үрдүк таһымҥа тахсыбыт производстволар тэриллибиттэрин элбэх холобурун көрдүм», – диэн Николаев эттэ. Онуоха Айсен Николаев Арассыыйа доҕордуу дойдулары кытта икки өттүгэр барыстаах технологическай бииргэ үлэлээһиҥҥэ аһаҕаһын бэлиэтээтэ. Ол курдук, «Газпромбаан» дьыалабыай мунньах кыттыылаахтарынан, ол иһигэр Азербайджан, Бахрейн, Беларусь, Казахстаан, Катар, Кытай, Кыргызстаан, ХАЭ, Саудовскай Аравия, Туркменистаан, Турция уонна Узбекистаан бэрэстэбиитэллэрэ буоллулар.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…