Айсен Николаев: «Халыма өрүскэ муус эрдэ устара сэрэхтээх»

Билигин Саха сирин өрүстэригэр муус ыксаллаах быһыыны-майгыны үөскэппэккэ устан эрэр, ол  эрээри Халыма өрүс эрдэ арыллыбыта, кутталы үөскэтиэн сөп. Бу туһунан СӨ баһылыга Айсен Николаев бүгүн «Саха» ГТРК ханаалыгар «Прямой разговор» биэриигэ иһитиннэрдэ.

«Быйыл Халыма өрүскэ муус хаһааҥҥытааҕар даҕаны эрдэ уһунна. Муус номнуо Зырянка диэки тиийдэ, оттон Орто Халыма сорох сирдэригэр — кыһын. Тымныыга муус чарааһаабакка, кутталы үөскэтиэн сөп диэн», — Айсен Николаев эттэ.

Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!