81 сыл анараа өттүгэр, балаҕан ыйын 6 күнүгэр 1942 сыллаахха, Дьокуускайга дыраама тыйаатырыгар фашизмы утары норуодунай миитин буолбута. Манна поэт Владимир Новиков, дьахталлар хамсааһыннарын лиидэрэ Зоя Сидорова, драма артыыһа Дарья Слепцова, ону сэргэ оробуочайдар, колхуостаахтар уонна Кыһыл Аармыйа байыастара кыттыбыттара. Ол уустук кэмҥэ Кыайыыны уһансарга ким да саарбаҕалаабатаҕа. Бары Ийэ дойдуларын инники кэскилин туһугар хорсун-хоодуот быһыыны оҥорорго бэлэм этилэр. Миитин түмүгэр резолюция ылыммыттара. Бу туһунан Ил Дархан Айсен Николаев Юрий Гагарин аатынан култуура уонна аныгы ускуустуба киинигэр буолбут фашизмы утары бастакы пуорум пленарнай мунньаҕар кэпсээтэ.
«Бүгүн манна Ийэ дойдуларын таптыыр, бэриниилээх дьон муһуннулар, — диир Айсен Николаев. — Байыастары, волонтердары, дойду атын эрэгийиэннэриттэн ыалдьыттары, ытык кырдьаҕастары, ыччаттары көрөн үөрэбин.
Биһиги Улуу Кыайыыбыт туһунан өйбүтүгэр-санаабытыгар илдьэ сылдьабыт. Арассыыйа хас биирдии дьиэ кэргэнэ Кыайыыны уһансыбыт буойуттар тустарынан өйдүүр-саныыр. Аҕа дойду Улуу сэриитэ Арассыыйа хас биирдии дьиэ кэргэнин хаарыйбыта. Саха сириттэн уоттаах сэриигэ 62 тыһ. тахса киһи барбыта.
Билигин биһиги байыастарбыт хорсуннарын-хоодуоттарын көрдөрөллөр. Биһиги хас биирдии байыаспытынан, Арассыыйа Дьоруойунан киэн туттабыт. Ол курдук, Александр Колесов, Алексей Неустроев, Филипп Евсеев уонна олоҕун толук уурбут Дмитрий Егоров ааттарынан киэн туттабыт. Биһиги барыбыт өйбүтүгэр-санаабытыгар байыаннай дьайыы кыттыылаахтара, Ийэ дойдуларын туһугар сырдык тыыннарын толук уурбут байыастар куруук бааллар, кинилэри хаһан да умнуохпут суоҕа.
Ил Дархан Айсен Николаев «Арассыыйа — мин устуоруйам» музей комплексыгар байыаннай дьайыы кыттыылаахтарын дьон-сэргэ билэрин, өйдүү-саныы сылдьарын курдук, бастайааннай экспозиция арыаллыаҕын эттэ.
Уус Алдан улууһун дьаһалтата уонна байыаннай дьайыы бэтэрээннэрэ Хараҕа Төрдүгэр кэриэстэбил бэлиэтин хаарын ыраастаатылар. Бу…
Биһиги уопсастыбаннай түмсүүбүт байыаннай дьайыы байыастарыгар таҥаһы тигииттэн саҕаламмыта. [gallery ids="272366,272367,272368"] Кыргыттар дьиэ-уот, үлэ-хамнас быыһыгар…
СӨ Национальнай архыыбар хараллан сытар саамай былыргы докумуон ханныгын билэҕит дуо? Саамай былыргы докумуон --…
Олунньу 17 күнүттэн Мэҥэ Хаҥалас улууһугар өрөспүүбүлүкэ судаарыстыбаннай былааһын толорор уорганнарын 2025 сылаах үлэтин туһунан…
Бүгүҥҥүттэн, олунньу 17 күнүттэн, Илиҥҥи Саҥа дьыл саҕаланна. Уот кыһыл Ат сыла, дьэ, саҕаланна! Кытайдар…
Саха сиригэр МАХ меесенджергэ @zapismzsakha чат-ботунан электроннай көрүҥүнэн суруйтарарга табыгастаах бэртээхэй сервис үлэлээбитин туһунан өрөспүүбүлүкэ…