Айсен Николаев ХИФУ устудьуона өлбүтүнэн бэрэбиэркэни ыытар туһунан сорудахтаата

Ил Дархан Айсен Николаев ХИФУ устудьуона өлбүтүнэн кутурҕанын биллэрдэ уонна бэрэбиэркэни ыытар туһунан сорудахтаата.

«Хотугулуу-Илиҥҥи федеральнай униерситет устудьуона өлбүтүн истэн дьиксинним. Кини чугас дьонугар, ХИФУ устудьуоннарыгар кутурҕаммын биллэрэбин.

Университет салалтата силиэстийэлиир уорганнары кытта ыкса үлэлээн быһылаан тула быһаарсарыгар уонна буруйдаахтары эппиэтинэскэ тардарга ирдиибин.

СӨ үөрэххэ уонна наукаҕа министиэристибэтэ эрэгийиэҥҥэ баар үөрэхтээһин тэрилтэлэригэр куттал суох буолуутугар миэрэлэри бэрэбиэркэлииргэ соруйдум. Үөрэх тэрилтэлэригэр итэҕэл уонна куттала суох буолуу эйгэтэ баар буолуохтаах», — диэн Ил Дархан телеграм-ханаалыгар суруйар.