Хомуурга ыҥырыллыбыттар, байыаннай сулууспалаахтар дьиэ кэргэттэригэр көрүллэр 200 тыһ. солк. кээмэйдээх көмөнү күн бүгүн 600-тэн тахса дьиэ кэргэн ылбыт. Ити туһунан СӨ Ил Дархана Айсен Николаев бүгүн тэлэбиидэнньэҕэ тахсан, алтынньытааҕы сорох сүрүн түгэннэри билиһиннэрэригэр кэпсээтэ.
— Биллэн турар, СӨ Бырабыыталыстыбата бу күннэргэ, нэдиэлэҕэ толоруохтаах сүрүн соругунан – байыаннай сулууспалаахтар дьиэ кэргэттэригэр 200 тыһ. солк. кээмэйдээх материальнай көмөнү тиэрдии. Саха сиригэр атын субъектарга, Уһук Илин уокурукка курдук байыаннай чаастар суохтар. Манан сибээстээн боппуруостар үөскүү сылдьыбыттара. Биһиги быстах хомуурга ыҥырыллыбыттарбыт Хабаровскай, Приморскай кыраайдарга, Амур уобалаһыгар, Еврейскэй АУо, Забайкальскай кыраайга, Бурятияҕа көппүттэрэ. Байыаннай чаас бигэргэтэр хоруйдара бытааннык кэлэллэр. Бу тустаах уураахха илии баттаабытым кэннэ тута биллибитэ.
Биһиги анал сулууспаларбыт, бастатан туран СӨ Үлэҕэ уонна социальнай сайдыыга министиэристибэтэ, миэстэтигэр бэрэбиэркэлээри (сверка) бэйэтин үлэһиттэрин бу байыаннай чаастарга командировкаҕа ыыталаабыта. Мин Илиҥҥи байыаннай уокурук салайааччытыгар сибээскэ тахсыбытым, кини өйөөбүтэ, бары байыаннай чаастарынан сөптөөх дьаһал тахсыбыта. Билигин испииһэги бэрэбиэркэлээһин, тэҥнээһин үлэтэ түмүктэнэн эрэр.
Бу испииһэккэ олоҕуран төһө кыалларынан түргэнник көмөнү ыытыахтаахпыт. Күн бүгүн, 600-тэн тахса байыаннай сулууспалаах дьиэ кэргэнэ ылла. Бу аҕыйах, тэтими өссө түргэтэтиэхтээхпит дии саныыбын. Чугастааҕы кэмҥэ бу үлэни олоччу үмүрүтүөхтээхпит, — диэн Ил Дархан быһаарда.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…