Айсен Николаев  хотугу муора суолун кэҥэтии  кыахтарын бэлиэтээтэ

Саха сирин баһылыга Айсен Николаев Арктика  норуоттар икки ардыларынааҕы пуорумугар “Хоту-Соҕуруу” тырааныспар көрүдүөрдэрин сайыннарыы уонна  уу суолларын туһаныы кыахтарын туһунан иһитиннэрдэ.

Пуорум бу былаһааккатыгар федеральнай уонна эрэгийиэннээҕи  былаас уорганнарын, биисинэс-уопсастыба  бэрэстэбиитэллэрэ, учуонайдар уонна эспиэрдэр  кытыннылар.

Сиэссийэ кыттыылаахтара бэйэлэрин этиилэригэр Арктикаҕа аныгы ситиһиилэр Хотугу муора суолуун 500-чэ пятисотлетней сыллаах устуоруйатын көмөтүнэн кэлбиттэрин бэлиэтээтилэр.

Айсен Николаев бэйэтин этиитигэр Хотугу муора суолун көдьүүһэ “Хоту-Соҕуруу” тырааныспар көрүдүөрүн сайыннарыы уонна ис уу суолларын көхтөөхтүк туһаныы суотугар үрдүөҕүн бэлиэтээтэ. Хотугу муора суолун сайыннарыы Саха сирин уонна Илинҥи  Арктика  саҥа кэскиллэрин көрдөрөр. Айсен Николаев чуолаан тырааныспар саҥа суолун – “Дьэлиҥдэ-Мохэ” нөҥүө Кытайы уонна Амур уобалаһын сибээстиир Хотугулуу-Илиҥҥи көрүдүөр дьоһун суолтатын бэлиэтээтэ. Таһаҕас салгыы тимир суолунан Аллараа Бэстээххэ тириэрдиллиэн сөп. Мантан салгыы навигация кэмигэр Өлүөнэ өрүһүнэн Найба пуортугар тириэрдиллиэ.

«Бу бырайыак туһатыгар  Кытай уонна Арассыыйа бииргэ үлэлэһээччилэрин интэриэстэрэ улахан. Биһиги бу бырайыагы  Саха Өрөспүүбүлүкэтин, Амур уобалаһын уонна Хэйлунцзян провинциятын кытары көхтөөхтүк оҥоробут. Эһиил маршруту Амур нөҥүө тимир суол муостата тутулла илигинэ да саҕалыырга (тестовай) эрэллээхпит”, — диэтэ Айсен Николаев.

Өрөспүүбүлүкэ  атын дьоһуннаах боппуруостарын  ортолоругар Хотугу муора суолугар айан куттала суох буолуутун кыһалҕаларын,  быыһыыр инфраструктураны оҥорууну бэлиэтээтэ. “Быыһыыр сулууспа – дьон олоҕун уонна куттал суох буолуутун боппуруоһа”, —  диэтэ кини.

«Арктика – территория диалога» Арктика норуоттар  икки ардыларынааҕы VI  пуорума кулун тутар 26-27 күннэригэр Мурманскайга “Хотугу сиргэ – олоруохха!” тускулунан ыытылынна. Пуоруму РФ бырабыыталыстыбатын өйөбүлүнэн Росконгресс пуондата тэрийдэ.