Хаартыска: Андрей Сорокин, СИА.
Ил Дархан Айсен Николаев тохсунньу 26 күнүгэр М.К. Аммосов аатынан Хотугулуу-Илиҥҥи федеральнай университет кэтээн көрөр сэбиэтин мунньаҕар, өрөспүүбүлүкэ тутаах үрдүк үөрэҕин кыһатын сайдыытын сүрүн хайысхаларын ыйда.
Ил Дархан тыл этэригэр ХИФУ өрөспүүбүлүкэ уонна дойду бары хотугулуу-илиҥҥи өттүн сайыннарыы стратегиятыгар олус суолталаах миэстэни ыларын бэлиэтээтэ. Айсен Николаев өрөспүүбүлүкэҕэ каадыры бэлэмнээһиҥҥэ таһаарыылаах үлэлэрин иһин салалтаҕа, профессорскай-преподавательскай састаапка, кэллэктиипкэ махталын биллэрдэ.
“Бары кэмнэргэ университет Саха сирэ сайдыытыгар бөҕө тирэх буолбута. Бүгүн аныгы кэмҥэ эппиэттэһэр, Саха сиригэр уонна Бүтүн Арассыыйаҕа каадыры бэлэмнииргэ университекка ирдэнэр материальнай, каадыр, технологическай кыах барыта бииргэ түмүллүбүтүгэр булгуччу эрэллээхпин”, – диэн Айсен Николаев эттэ.
Ил Дархан ордук суолталаах, түргэн быһаарыыны уонна ыллыктаах хамсаныыны эрэйэр боппуруостарга тохтоото.
Уопсайынан, бырамыысыланнай салааҕа, тутууга уонна тырааныспарка үлэ биэрээччилэр 11 тыһыынча вакансияны көрдүү олороллор. Манан сибээстээн, Айсен Николаев университет Нерюнгритааҕы уонна Мииринэйдээҕи филиалларыгар үлэҕэ ураты болҕомтону уурарга сүбэлээтэ. Соҕурууҥҥу уонна арҕааҥҥы Саха сирэ экэниэмикэ эрэ буолбакка, бүттүүн Уһук Илин уонна дойду үүнэр киининэн буолаллар. Ол иһин бу сирдэри сайыннарар, университет филиаллара үрдүк таһымнаах уонна идэҕэ бэлэмниир үөрэх федеральнай ыстандаартыгар сөп түбэһэр буолуохтаахтар.
“Сотору кэминэн биһигини үөрэх эйгэтин инновационнай тыыныгар уонна ирдэбилигэр эппиэттиир инфраструктураны салгыы бөҕөргөтөр үлэ күүтэр. Сүрүн бырайыактар кэккэлэригэр Хотугулуу-Илиҥҥи федеральнай университет баазатыгар үрдүк үөрэхтэр икки ардыларынааҕы кампуһу тэрийии баар. Тустаах эбийиэк Дьокуускай куорат сайдыытын маастар-былааныгар көстөр, тутууну үбүлээһиҥҥэ киирии быһаарыллыбыта”, — диэн Айсен Николаев соругу туруорда. Салгыы манна ааҕыҥ.
Ил Дархан уонна бырабыыталыстыба пресс-сулууспата.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…