Айсен Николаев Ил Дархан солотугар киирдэ!

Айсен Николаев Ил Дархан солотугар киирэр сиэрэ-туома Д.К.Сивцев — Суорун Омоллоон аатынан Опера уонна балет судаарыстыбаннай тыйаатырыгар  16.30  чаастан саҕаланна.

Үөрүүлээх сиэр-туом кэмигэр саҥа талыллыбыт Ил Дархан СӨ Төрүт сокуонугар олоҕуран, Саха Өрөспүүбүлүкэтин Ил Дарханын эбээһинэһин үтүө суобастаахтык толоруом, Саха Өрөспүүбүлүкэтин Конституциятын уонна сокуоннарын тутуһуом, өрөспүүбүлүкэ национальнай судаарыстыба быһыытынан анал туругун итиэннэ элбэх омуктаах норуотун интэриэһин көмүскүөм диэн Андаҕарын сахалыы уонна нууччалыы тылларынан эттэ.

Балаҕан ыйын  8-10 күннэригэр ыытыллыбыт быыбардар түмүктэринэн,  Айсен Николаев Саха Өрөспүүбүлүкэтин Ил Дарханынан иккис болдьоххо талыллыбыта. Киниэхэ быыбардааччылар  75,77 %  куоластарын биэрбиттэрэ.