Айсен Николаев Ил Түмэҥҥэ туһаайан этиитин иһитиннэриэҕэ

Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа.

Ахсынньы 23 күнүгэр, Дьокуускай бириэмэтинэн күнүс 12:00 чааска, СӨ Ил Дархана Айсен Николаев Ил Түмэҥҥэ туһаайан этиитин иһитиннэриэҕэ.

Өрөспүүбүлүкэ баһылыга 2025 сыл сүрүн түмүктэрин таһаарыаҕа, өрөспүүбүлүкэ чугастааҕы уонна уһун болдьохтоох  стратегиятын торумнуоҕа, ону таһынан  Бырабыыталыстыба уонна олохтоох салайыныы уорганнарын үлэлэрин сүрүн соруктарын билиһиннэриэҕэ.

Туһаайыыны истиигэ норуот дьокутааттара, СӨ Бырабыыталыстыбатын чилиэннэрэ, муниципальнай оройуоннар уонна куораттааҕы уокуруктар баһылыктара, тэрилтэлэр салайааччылара кыттыахтара. Ону тэҥэ тэрээһиҥҥэ Саха сириттэн Федерация Сэбиэтин сенатордара уонна Судаарыстыбаннай Дуума дьокутааттара, суут уонна борокуратуура бэрэстэбиитэллэрэ, федеральнай толорор былаас уорганнарын өрөспүүбүлүкэтээҕи салайааччылара, боломуочунайдар институттарын үлэһиттэрэ, лидердэр уонна уопсастыбанньыктар кытталлара былааннанар. Тэрээһин Бырабыыталыстыба 1-кы №-дээх дьиэтин Өрөспүүбүлүкэ саалатыгар ыытыллыаҕа.

Быһа эпиири «Якутия 24», «НВК Саха», «Россия 24» телеханааллара көрдөрүөхтэрэ, ону тэҥэ «Тэтим» уонна «Радио России Саха» араадьыйалар иһитиннэриэхтэрэ.