Айсен Николаев Казахстан вице-премьердэрин кытта көрүстэ
10.09.2024, 16:52
https://sakha.gov.ru/
Бөлөххө киир:
Ил Дархан Айсен Николаев Казахстан Өрөспүүбүлүкэтигэр оробуочай сырыытын кэмигэр дойду премьер-миниистирин бастакы солбуйааччыта Роман Скляры уонна бырабыыталыстыба бэрэссэдээтэлин солбуйааччы Серик Жумангарины кытта көрүстэ.
Өрүттэр инникитин бииргэ үлэлээһин, ол иһигэр Казахстаны кытта атыы-эргиэн боппуруостарын кэпсэттилэр. Чуолаан ювелирнай оҥоһуктары экспорка таһаары боппуруостарын көрдүлэр.
«Биэс сыл иһигэр Казахстаны кытта атыы-эргиэн кээмэйэ 40 төгүл улааппыт. Ити атыы-эргиэн, экэнэмиичэскэй бииргэ үлэлээһин үрдүк таһымҥа сылдьарын көрдөрөр. Биһиги салгыы атыы-тутуу эргиирэ улаатыытыгар усулуобуйаны тэрийиэхпит», — диэтэ Айсен Николаев.
Бу иннинэ Ил Дархан Казахстан Өрөспүүбүлүкэтин бэрэсидьиэнэ Касым-Жомарт Токаевы кытта көрсүбүтэ.
Сообщить об опечатке
Текст, который будет отправлен нашим редакторам: